सुकन्या समृद्धी योजना ही मुलींच्या सुरक्षित भविष्यासाठी एक उत्तम बचतीची योजना आहे. मात्र त्यासाठी तुम्हाला या योजनेचे सगळे नियम माहित असणे गरजेचे आहे. बऱ्याचदा मॅच्युरिटी कधी होते हे अनेक पालकांना माहीत नसतं. तसेच याची रक्कम किती आणि कोणत्या वयात मुलींना मिळते? याबद्दल पुढील माहितीत आपण जाणून घेणार आहोत.

अनेक पालकांना वाटतं की, मुलगी २१ वयाची झाल्यावर या योजनेचा लाभ घेता येतो. पण नियमांनुसार, सुकन्या समृद्धी योजनाचे मॅच्युरिटी ही मुलीच्या वयानुसार नाही तर खाते उघडण्याच्या तारखेनुसार २१ वर्षे पूर्ण झाल्यावर मिळते. उदा. समजा तुमची मुलगी जर १० वर्षांची असेल. तेव्हा तुम्ही खातं उघडलं असेल. तर त्याच्या २१ वर्षांनंतर म्हणजे मुलगी ३१ वर्षांची झाल्यावर मॅच्युरिटी होते. पण यामध्ये तुम्हाला २१ वर्षे पैसे भरावे लागत नाही, तर फक्त १५ वर्षे पैसे भरावे लागतात.

१० व्या वर्षात गुंतवणूक केल्याचा फायदा

समजा तुम्ही तुमच्या १० वर्षाच्या मुलीसाठी २०२६ मध्ये या योजनेत गुंतवणूक करायला सुरुवात केलीत, म्हणजेच खातं उघडलंत. त्यामध्ये तुम्ही वर्षाला १.५ लाख रुपये जमा केलेत. ही गुंतवणूक सलग १५ वर्षे केलीत तर एकूण २२.५ लाख रुपये हे २०२४ पर्यंत जमा होतील. पुढील ६ वर्षे तुम्हाला पैसे भरावे लागत नाहीत.

जेव्हा तुमचे २१ वर्षे पूर्ण होऊन मॅच्युरिटी होते. तोपर्यंत तुम्हाला ६ वर्षाचे व्याज मिळतं. म्हणजे २०४७ पर्यंत तुमची मुलगी ३१ वर्षांची होईल तेव्हा तीचं खात्याची मॅच्युरीटी होईल. सध्या यामध्ये ८.२ टक्के व्याजानुसार २२. ५ लाखाची गुंतवणूकीवर अंदाजे ७१.८२ लाख रुपये मिळतात. त्यातले ४९.३२ लाख हे फक्त व्याज असतं. असा एकंदरीत मुलींना लाभ होतो.