हेल्थ इन्श्युरन्सधारकांसाठी महत्त्वाची बातमी आहे. आता आरोग्य विम्याच्या नियमात महत्त्वाचे बदल करण्यात आले आहे. आता आरोग्य विमा असलेल्या रुग्णांना उपचारासाठी किंवा डिस्चार्जसाठी जास्त वेळ वाट पाहावी लागणार नाही. आता रुग्णांच्या उपचाराची प्रक्रिया जलद होणार आहे. याचसोबत डिस्चार्जसाठीही जास्त वेळ वाट पाहावी लागणार नाही.

विमा नियमाक IRDAI ने नवीन नियम लागू केले आहे. अर्थ मंत्रालयाने सांगितले की, पॉलिसीधारकांना आवश्यक मदत करण्यासाठी IRDAI कॅशलेस विम्या क्लेमवर मर्यादा निश्चित केली आहे.

IRDAI ने कॅशलेस प्री ऑथरायजेशन मंजुरीसाठी १ तासाचा कालावधी तर डिस्चार्जसाठी ३ तासांचा कालावधी दिला आहे. मंत्रालयाने दिलेल्या माहितीनुसार, ही वेळमर्याजा कमी करणे गरजेचे होते. जेणेकरुन रुग्णांना वेळेवर उपचार मिळतील.

कॅशलेस क्लेमसाठी गोल्डन ऑवर नियम

रुग्णांना हॉस्पिटलमध्ये जास्त वेळ थांबायला लागू नये, यासाठी गोल्डन ऑवर नियमाला मंजुरी दिली आहे. आता रुग्णालयांना १ तासाच्या आता उपचारासाठी मंजुरी द्यावी लागणार आहे तर डिस्चार्जची प्रोसेस ३ तासाच्या आत पूर्ण व्हायलाच हवी. यामुळे रुग्णांचा वेळ वाचणार आहे.

पॉलिसी खरेदी करणाऱ्यांच्या संख्येत वाढ

आरोग्य विमा पॉलिसी खरेदी करणाऱ्यांच्या संख्येत वाढ होताना दिसत आहे.सध्याच्या काळात कधीही कोणाला आरोग्याची समस्या जाणवू शकते. वाढत्या वयानुसार आरोग्याच्या समस्या वाढतात. त्यामुळे सुरक्षिततेचा पर्याय म्हणून इन्श्युरन्स घेतले जाते. गंभीर आजारांसाठी प्रिमियम पॉलिसी जास्त फायदेशीर ठरते.