राज्य सरकारने नागरिकांसाठी अनेक योजना राबवल्या आहेत. यातील अनेक योजनांमधून नागरिकांना आर्थिक मदत मिळते. महाराष्ट्र सरकारच्या लाडकी बहीण योजनेअंतर्गत महिलांना दर महिन्याला १५०० रुपये मिळतात. महिलांच्या अकाउंटला हे पैसे जमा केले जातात. तर आता इतर अनेक योजनेअंतर्गत मिळणारे पैसे थेट लाभार्थ्यांच्या अकाउंटला जमा केले जाणार आहेत.

संजय गांधी निराधार योजना, श्रावणबाळ सेवा राज्य निवृत्तीवेतन योजनेच्या अर्थसहाय्याचे वितरण थेट डीबीटी पोर्टलद्वारे लाभार्थ्यांच्या अकाउंटला जमा केले जाणार आहे, याबाबत मुख्यमंत्री देवेंद्र फडणवीस यांना निर्देश दिले आहेत.

मुख्यमंत्री फडणवीस यांनी सांगितले की, विभागामार्फत राबवण्यात येणाऱ्या योजनांचा लाभ जास्तीत जास्त लाभार्थ्यांना मिळण्यासाठी योजनांच्या सध्याच्या अटी व शर्तींमध्ये सुधारणा केल्या पाहिजेत. शासकीय वसतीगृह इमारतींची जिथे आवश्यक असेल तिथे तात्काळ दुरुस्ती करून घेण्यात यावी.वसतीगृहातील

विद्यार्थी व विद्यार्थिनीनी सर्व सोई सुविधा वेळेवर मिळतील याची खात्री करावी. तसेच वसतीगृहाची प्रवेश प्रक्रिया ऑनलाइन करावी.जात पडताळणी प्रक्रिया ऑनलाईन करावी.मुख्यमंत्री तीर्थ दर्शन योजनेसाठी पोर्टल लवकर सुरू करावे. विभागांतर्गत येणाऱ्या सर्व महामंडळासाठी एक एस.ओ.पी तयार करण्यात यावी, अशा सूचना मुख्यमंत्री फडणवीस यांनी बैठकीत दिल्या.

या निर्णयामुळे आता नागरिकांना सर्व योजनांचा लाभ हा ऑनलाइन पद्धतीने मिळणार आहे.आता सर्व योजनाअंतर्गत नागरिकांना ऑनलाइन पद्धतीने पैसे मिळणार आहे.डीबीटीद्वारे हे पैसे जमा केले जाणार आहे. आधार कार्ड आणि बँक अकाउंट लिंक असलेल्या नागरिकांच्या खात्यात थेट पैसे जमा केले जाणार आहेत.