जून महिन्याचा पहिला आठवडा उलटलाय, पण अद्याप मे महिन्याचा हप्ता जमा झालेला नाही. पात्र लाडक्या बहिणी १५०० रूपयांचा हप्ता कधी येणार? याकडे डोळे लावून वाट पाहत आहेत. पण आज लाडक्या बहि‍णींची चिंता मिटण्याची शक्यता आहे. मे महिन्याच्या हप्त्यावर आज राज्य सरकार निर्णय घेण्याची शक्यता वर्तवण्यात येत आहे. लाडक्या बहि‍णींना २ महिन्याचे हप्ते एकत्र मिळणार, की फक्त मे महिन्याचा हप्ता मिळणार, यावरही आज शिक्कामोर्तब होईल असे बोलले जात आहे.

मे महिन्याचा हप्ता कधी मिळणार?

पात्र लाभार्थी लाडक्या बहिणींना मे महिन्याचा हप्ता कधी मिळणार? यावर आज शिक्कामोर्तब होणार आह. आज मंत्रिमंडळाची बैठक होणार आहे. देवेंद्र फडणवीस यांच्या नेतृत्वात आज मंत्रिमंडळाची बैठक पार पडणार आहे. या बैठकीत लाडक्या बहिणींना मे महिन्याचा हप्ता कधी द्यायचा? पुन्हा ईकेवायसी प्रक्रिया सुरू करायची का? यावर निर्णय होण्याची शक्यता आहे.

निधी कधी वर्ग होणार?

आज होणाऱ्या मंत्रिमंडळाच्या बैठकीत लाडक्या बहि‍णींसाठी समाज कल्याण विभागाकडे निधी वर्ग करण्यावर चर्चा होईल. त्याशिवाय कोणत्या तारखेला लाडक्या बहि‍णींच्या खात्यावर पैसे जमा करावेत, यावरही चर्चा होण्याची शक्यता आहे. जून महिन्याच्या अखेरीस वट पौर्णिमा आहे. त्या दिवसाचे औचित्य साधून राज्य सरकार लाडक्या बहि‍णींच्या खात्यात १५०० चा हप्ता जमा करण्या विचार करत असल्याचेही समोर आले आहे.

लाडक्या बहि‍णींच्या खात्यावर मे महिन्याचा हप्ता कधी जमा होणार?

राज्यातील तब्बल एक कोटी ६६ लाख महिला लाडकी बहीण योजनेसाठी पात्र आहे. या महिलांच्या खात्यावर प्रति महिना १५०० रूपयांच ा लाभ जमा होणार आहे. विधान परिषद निवडणुकीची आचारसंहिता संपल्यानंतर लाभार्थी महिलांच्या खात्यावर लाभ जमा केला जाऊ शकतो, असे म्हटले जातेय. त्यामुळे २० जूननंतर महिलांच्या खात्यावर मे महिन्याचे १५०० रूपये जमा होऊ शकतात, असे सूत्रांनी सांगितलेय. दरम्यान, राज्यातील ८० लाख महिलांचा १५०० रूपयांचा लाभ बंद झाला आहे.