सोन्याच्या दरात मागच्या दीड वर्षात जवळपास दुप्पटीने वाढ झाली आहे. त्यानंतर आता सोन्याच्या दरात घसरण होताना दिसत आहे. मागच्याकाही दिवसांत सोन्याचे दर सातत्याने घसरताना दिसत आहेत. गुढीपाडव्याच्या दिवशीही सोन्याचे दर घसरले होते. त्यामुळे खरेदीदारांना दिलासा मिळाला आहे. त्यानंतर आता सोन्याचे दर घसरले आहेत.

सोन्याचे दर दीड लाखांच्या खाली

जळगावच्या सराफा बाजारात सोने-चांदीच्या दरात मोठी घसरण झाली आहे. सोन्याचे दर दीड लाखांच्या खाली आले आहे. आज जळगावात सोन्याचे दर १० हजारांनी घसरले आहेत. चांदीच्या दरात २२ हजारांची घसरण झाली आहे

जळगावच्या सराफा बाजारात सोन्याचे दर जीएसटीसह १ लाख ३९ हजार रुपये झाले आहे. तर चांदीचे दर २ लाख १६ हजारांवर पोहचले आहे. यामुळे खरेदीदारांना चांगलाच दिलासा मिळाला आहे. सोन्याच्या दरात २३ दिवस ३४ हजारांची घसरण तर चांदीच्या दरात ८५ हजारांची घसरण झाली आहे.

गेल्या ४० वर्षात पहिल्यांदाच एवढ्या कमी कालावधीत मोठी घसरण झाली आहे, अशी माहिती जळगावातील सराफ व्यावसायिकांनी दिली आहे. अमेरिका व इराण युद्धाचा सोन्या चांदीच्या दरावर झाला असून आंतरराष्ट्रीय बाजारात सोन्या चांदीमधील गुंतवणूक कच्चा तेलाबरोबर इतर ठिकाणी वळल्याने घसरण होत असल्याची माहिती सराफ व्यावसायिकांनी दिली आहे.

आजचे सोन्याचे दर (Gold Rate Today)

आज जीएसटीशिवाय सोन्याचे दर १ लाख ३५ हजार रुपये झाले आहे. तर चांदीचे दर विना जीएसटी २ लाख १० हजार झाले आहेत. सोन्याच्या दरात एकाच दिवशीच चांगली घसरण झाली आहे. सोन्याचे दर असेच कमी व्हावे, अशी आशा सर्वसामान्यांना आहे.