गेल्या आठवड्याभरात सोने-चांदीच्या दरात झालेली वाढ पाहून सर्वसामान्य नागरिक अवाक् झालेत. जागतिक बाजारात देखील सोने-चांदीच्या दरात पुन्हा एकदा तेजी पाहायला मिळतेय. एव्हंढच नाही तर सोने-चांदीच्या दरातील उसळी दिसून आल्यानं ग्राहकांना धक्का बसलाय. सोन्याच्या दर 1 लाख 62 हजार रुपये प्रतितोळा पोहोचलेत. तर चांदीच्या दरात एकाच दिवसात तब्बल 10 हजारांची वाढ झालीये. इतकंच नव्हे तर सोने 3 लाख रुपये तोळ्यावर जाण्याचा अंदाजही वर्तवण्यात येतोय. गेल्या दोन दिवसांत सोने-चांदीत किती वाढ झालीये ते पाहूयात.

20 ऑगस्ट

सोने

वाढ - 4500

भाव - 1,56,000

चांदी

वाढ - 11,000

भाव - 2,40,000

21 ऑगस्ट

सोने

वाढ - 2500

भाव - 1,58,500

चांदी

वाढ - 8000

भाव - 2,48,000

मात्र, सोने-चांदी दरात इतकी वाढ नेमकी कशामुळे होतेय?.. ते जाणून घेऊयात. अमेरिकन डॉलर आणि बाँड यील्डमध्ये झालेल्या मोठ्या घसरणीमुळे सोन्याचे भाव विक्रमी पातळीवर पोहोचलेत. तर दुसरीकडे, अमेरिकेचे राष्ट्राध्यक्ष डोनाल्ड ट्रम्प यांनी इराणवर नव्या आर्थिक निर्बंधांची घोषणा केल्यानंतर कमोडिटी बाजारातही अस्थिरता निर्माण झालीये. त्यामुळे सलग दुसऱ्या दिवशी झालेली घसघशीत वाढ पाहता सोने-चांदी खरेदी करावी का?, असा प्रश्न नागरिकांना पडलाय. एव्हंढच नाही तर जागतिक बाजारातील अस्थिरता पाहता, पुढील काळात सोनं 3 लाखांच्या पार जाणार का? याबाबत उत्सुकता लागलीय.