• दिवाळीच्या पहिल्या दिवशी सोन्याला चकाकी

• आज २४-२२ आणि १८ कॅरेटच्या सोन्याच्या दरात मोठी वाढ

• १ तोळा सोन्याच्या दरात ३,२२० रुपयांची वाढ

दिवाळीच्या पहिल्या दिवशी सोनं-चांदीच्या दरात मोठा बदल झाला आहे. सराफा बाजार उघडताच सोनं-चांदीच्या दरात मोठी वाढ झाली. दिवाळीत सोनं-चांदी स्वस्त होण्याऐवजी वाढल्यामुळे ग्राहकांमध्ये नाराजी आहे. दर वाढल्यामुळे ग्राहकांनी सराफा बाजाराकडे पाठ फिरवली. आज २४ कॅरेटच्या १ तोळा सोन्याच्या दरात ३,२२० रुपयांची वाढ झाली. तर १ किलो चांदीच्या दरात १०,००० रुपयांची वाढ झाली आहे. आज सोनं-चांदी खरेदी करायला जाण्यापूर्वी दर किती आहेत ते वाचून जा...

गुड रिटर्न्सने दिलेल्या माहितीनुसार, आज २४- २२ आणि १८ कॅरेट सोन्याच्या दरात मोठी वाढ झाली. २४ कॅरेटच्या १ तोळा सोन्याच्या दरामध्ये ३२२० रुपयांची वाढ झाली आहे. हे सोनं खरेदी करण्यासाठी ग्राहकांना १,४६,०२० रुपये खर्च करावे लागतील. तर २४ कॅरेटच्या १० तोळा सोन्याच्या दरामध्ये ३२,२०० रुपयांची वाढ झाली आहे. हे सोनं खरेदी करण्यासाठी आज ग्राहकांना १४,६०,२०० रुपये खर्च करावे लागतील.

आज २२ कॅरेटच्या १ तोळा सोन्याच्या दरामध्ये २,९५० रुपयांची वाढ झाली आहे. हे सोनं खरेदीसाठी ग्राहकांना १,३३,८५० रुपये खर्च करावे लागतील. २२ कॅरेटच्या १० तोळा सोन्याच्या दरात २९,५०० रुपयांची वाढ झाली. हे सोनं खरेदीसाठी आज ग्राहकांना १३,३८,५०० रुपये मोजावे लागतील.

२४ आणि २२ कॅरेट पाठोपाठ १८ कॅरेटचे सोनं देखील महाग झालं आहे. आज १८ कॅरेटचे १ तोळा सोनं २४२० रुपयांनी वाढले आहेत. हे सोनं खरेदीसाठी ग्राहकांना १,०९,५२० रुपये खर्च करावे लागतील. १८ कॅरेटच्या १० तोळा सोन्याच्या दरामध्ये २४,२०० रुपयांनी वाढ झाली आहे. हे सोनं खरेदी करण्यासाठी आज ग्राहकांना १०,९५,२०० रुपये खर्च करावे लागतील.

दरम्यान, आज सोन्यासोबत चांदीचे दर देखील वाढले आहे. आज १ ग्रॅम चांदी १० रुपयांनी महाग झाली आहे. ही चांदी २१० रुपयांना विकली जात आहे. तर १ किलो चांदीच्या दरामध्ये १०,००० रुपयांची वाढ झाली आहे. ही चांदी खरेदी करताना ग्राहकांना २,१०,००० रुपये खर्च करावे लागतील.