प्रत्येकजण पैशाची बचत करत असतो. काहीजण हेच पैसे एफडीत गुंतवतात आणि भविष्यात त्याचं व्याज मिळवतात. पण काही बॅंकांचं व्याज ठरलेलं नसतं. बऱ्याचदा याची माहितीही अधिकृत वेबसाइटवर उपलब्ध नसते. मात्र आता भारतीय रिझर्व्ह बॅंक मोठा निर्णय घेण्याच्या तयारीत आहे.

एफडीमध्ये मोठा बदल होणार आहे. भारतीय रिझर्व्ह बॅंक (RBI) ने महत्वाच्या नियमांचा प्रस्ताव मांडला आहे. यामध्ये तुमचं फिक्स डिपॉझिट आणि बॅंकेच्या डिपॉझिटचं व्याज वाढू शकतं. कारण बऱ्याचदा बॅंका तुम्हाला गुंतवणुकीच्या कालावधीनुसार किती व्याज मिळेल हे सांगत नाहीत. आता हे अधिकृतपणे सांगणं अनिवार्य आहे. याने गुंतवणुकदारांना विविध बॅंकांच्या व्याजाची तुलना करणं सोपं होईल.

भारतीय रिझर्व्ह बॅंकेने मांडलेला प्रस्ताव सार्वजनिक मतांच्या निर्णयावर अवलंबून असेल. याचा उद्देश हा गुंतवणुकदारांना त्यांचं मोठ्या रकमेवरील व्याज ठरवण्यासाठी आणि जमा झालेलं व्याजाचे दर पाहण्यासाठी होईल. तुम्ही तुमचं मत २० जूनपर्यंत मांडू शकता.

आरबीआयने दिलेल्या प्रस्तावानुसार बॅंकांचं काम सुरु करण्याआधी त्यांच्या वेबसाइटवर जमा व्याजाचे दर तिथे दाखवणं गरजेचं आहे. या नियामनुसार जमा रकमेवरचं देय व्याजाचे दर हे कामाकाजाचा दिवस सुरु होण्याआधीच बॅंकांच्या वेबसाइटवर जाहीर केलेल्या व्याजदरांवर आधारित असेल.

म्हणजेच बॅंक FD आणि इतर योजनांचे व्याजाचे दर आता सार्वजनिक करतील. त्याने ग्राहकांना विविध बॅंकाशी तुलना करणं सोपं पडेल. या निर्णयामुळे व्याजाच्या दरांबद्दल ग्राहकांना कोणतीच शंका राहणार नाही. त्याने एफडीत गुंतवणुक करणाऱ्या ग्राहकांनाही फायदा होईल. तर मोठी गुंतवणुक करणाऱ्यांसाठी वेगळा नियम आहे. त्यावर बॅंका व्याजाबद्दल स्वतंत्र निर्णय घेतील.