नोकरदार वर्गासाठी ही अत्यंत महत्वाची बातमी आहे. तुमच्या पगारतून दरमहिन्याला कापला जाणारा जमा PF काढण्यासाठी तुम्हाला एक गोष्ट करणं महत्वाचं आहे. कारण जर ती सोपी प्रोसेस तुम्ही टाळलीत तर तुम्हाला EPFO कडून तुमचा निधी काढता येणार नाही. तुमचा PF रखडू शकतो.

EPFOच्या खाते धारकांसाना ekyc करणं खूप गरजेचं आहे. बऱ्याचदा लोक याकडे दुर्लक्ष करतात. त्यामुळे ऐनवेळी त्यांना पीफचे पैसे काढता येत नाही. त्यासाठी तुमचं आधार कार्ड, पॅन कार्ड आणि बॅंक खातं हे व्हेरिफाईट केलेलं असणं गरजेचं आहे.

तरच तुम्हाला तुमचे पैसे मिळू शकतील. तुम्हाला यासाठी कुठेही जाण्याच्या गरज नाही. तसेच बॅंकेत जाऊन लांबच्या लांब रांगा लावण्याची गरज नाही तुम्ही घरबसल्या ५ ते १० मिनिटांत ही प्रोसेस पूर्ण करु शकता.

तुम्हाला EPFO KYC घरी अपडेट करायचे असेल तर सगळ्यात आधी EPFO च्या अधिकृत वेबसाईटवर जा. मग मेंबर-इ-सेवा या पर्यायावर क्लिक करा. तिथे तुमचा UAN नंबर आणि पासवर्ड टाकून लॉगिन करून घ्या. मग मॅनेज सेक्शनवर क्लिक करा. तुम्हाला KYCचा पर्याय दिसेल तो निवडा आणि तुमची माहिती भरा.

यात कोणतीही चूक होणार नाही याची काळजी घ्या. नंतर आधार कार्डाशी लिंक असणारा तुमचा मोबाईल नंबरवर मेसेज येतील. त्यात असणारा ओटीपी टाकून सबमिट बटणावर क्लिक करा. तुम्हाल १ ते ६ दिवसात मंजुरीचा मेसेज येईल. या सोप्या स्टेप्सने तुम्ही घरबसल्या KYC करु शकता.