केंद्र सरकारने महिलांसाठी अनेक योजना राबवल्या आहेत. केंद्र सरकारनंतर आता विविध राज्य सरकारनेही अनेक योजना राबवल्या आहेत. बिहार सरकारनेही महिलांसाठी खास मुख्यमंत्री महिला रोजगार योजना राबवली आहे. या योजनेत महिलांना १०-१० हजार रुपये दिले जातात.या योजनेचा पुढचा हप्ता आज महिलांच्या खात्यात जमा करण्यात येणार आहे.

महिलांना मिळणार १० हजार रुपये (Women Will Get 10000 Rupees)

बिहार सरकारने ऐन दिवाळीत महिलांना खुशखबर दिली आहे. या योजनेत आतापर्यंत ३ हप्ते जमा करण्यात आले आहेत. त्यानंतर आज चौथा हप्ता देण्यात येणार आहे. या योजनेत आतापर्यंत १.२१ कोटी महिलांच्या खात्यात पैसे जमा करण्यात आले आहेत. आजदेखील पुढचा हप्ता मिळणार आहे.

बिहार विधानसभा निवडणूकीची घोषणा झाली आहे. आचारसंहितादेखील लागू झाली आहे. दरम्यान, या काळात सरकार कोणतीही घोषणा करु शकणार नाही. दरम्यान, आचारसंहिता लागू होण्यापूर्वीच मुख्यमंत्री महिला रोजगार योजनेच्या तारखेची घोषणा केली होती. त्यामुळे आता १७ ऑक्टोबर म्हणजे आज पैसे जमा केले जाणार आहेत.

.

आतापर्यंत ३ हप्ते जमा

बिहार सरकारने महिलांनी स्वतः चा व्यवसाय सुरु करावा यासाठी ही योजना सुरु केला आहे. या योजनेत १८ प्रकारचे व्यवसाय सुरु करण्यासाठी मदत केली जाते. यामध्ये महिलांना पहिल्यांदा १० हजार रुपये दिले जातात. त्यातून महिलांना व्यवसाय सुरु करायचा आहे. जर महिलांना हा व्यवसाय ६ महिने सुरु ठेवला तर त्यांना २ लाख रुपये मिळणार आहेत.

या योजनेत पहिला हप्ता २६ सप्टेंबर रोजी जमा करण्यात आला होता. ७५ लाख महिलांना पहिला हप्ता दिला होता. त्यानंतर दुसरा हप्ता ३ ऑक्टोबर रोजी देण्यात आले होते. त्यानंतर ६ ऑक्टोबर रोजी तिसरा हप्ता दिला होता. त्यानंतर आज हा हप्ता दिला जाणार आहे. दरम्यान, पुढच्या अनेक हप्त्यांसाठीच्या तारीख जाहीर करण्यात आले आहे.

कोणाला मिळणार १० हजार रुपये

ज्या महिलांनी बचत गटामार्फत मुख्यमंत्री महिला रोजगार योजनेसाठी अर्ज केला आहे. ज्या महिलांचे अर्ज मंजूर झाले आहेत. त्यांना हे पैसे दिले जाणार आहेत. दरम्यान, ज्या महिलांना आतापर्यंत पैसे आलेले नाही त्यांना चौथ्या हप्त्यात १० हजार रुपये दिले जाणार आहेत