रिचार्ज प्लॅन निवडताना कमी खर्चात जास्तीत जास्त सुविधा मिळाव्यात अशी प्रत्येकाची अपेक्षा असते. ग्राहकांची हीच गरज ओळखून रिलायन्स जिओ आणि व्होडाफोन-आयडिया या दोन्ही टेलिकॉम कंपन्या आकर्षक योजना सादर करत आहेत. देशातील सर्वात मोठी टेलिकॉम कंपनी जिओ आणि तिसऱ्या क्रमांकावर असलेली व्होडाफोन-आयडिया यांच्यात चुरस निर्माण झाली आहे. अलीकडेच VI-JIOने आपली 5G सेवा सुरू केल्यानंतर ग्राहकांसाठी पर्याय अधिक वाढले आहेत.

जिओचा दररोज २.५ जीबी डेटा देणारा सर्वात स्वस्त प्लॅन ३९९ रुपयांचा असून त्यात २८ दिवस वैधता, अनलिमिटेड कॉलिंग, दररोज १०० एसएमएस आणि जिओ टीव्ही, जिओ एआय क्लाऊड तसेच ९० दिवसांसाठी जिओ हॉटस्टारचा लाभ मिळतो.

दुसरीकडे, व्होडाफोन-आयडियाचा समान सुविधा देणारा प्लॅन ४६९ रुपयांमध्ये उपलब्ध आहे. या प्लॅनमध्येही २८ दिवसांची वैधता, अनलिमिटेड कॉलिंग, दररोज १०० एसएमएस यांसह वीकेंड डेटा रोलओव्हर, डेटा डिलाइट आणि १२ तासांसाठी अनलिमिटेड डेटाचा अतिरिक्त लाभ दिला जातो. याशिवाय, या प्लॅनमध्येही ९० दिवसांचा जिओ हॉटस्टार सबस्क्रिप्शनचा समावेश आहे.

किंमतीनुसार पाहिल्यास जिओचा ३९९ रुपयांचा प्लॅन अधिक स्वस्त असल्याने बजेट लक्षात घेणाऱ्या ग्राहकांसाठी तो उत्तम पर्याय ठरतो. मात्र, वीकेंड डेटा रोलओव्हर आणि अनलिमिटेड डेटा वापरणाऱ्यांसाठी व्होडाफोन-आयडियाचा प्लॅन आकर्षक ठरू शकतो. त्यामुळे ग्राहकांनी आपल्या वापराच्या गरजेनुसार योग्य प्लॅन निवडणे गरजेचे आहे.