तंत्रज्ञानाच्या जगात आर्टिफिशियल इंटेलिजन्स विशेष भूमिका आहे. अनेक लोक एआयचा अवलंब करून कामे पूर्ण करत आहेत. पण यातून अनेक फसवणूक करत असल्याची बाब समोर आलीय. AI वापरण्यासाठी बहुतेक लोक OpenAI चे ChatGPT वापरत आहेत. या आर्टिफिशियल इंटेलिजन्स चॅटबॉटच्या माध्यमातून लोक त्यांचा फोटो घिबली इमेज किंवा इतर स्टाइलमधील फोटो बनवत आहेत. सोशल मीडियावर हे फोटो खूप केली जात आहेत.

बनावट आधार-पॅन कार्ड

आर्टिफिशियल इंटेलिजन्सच्या चॅटबॉट चॅटजीपीटीच्या माध्यमातून बनावट आधार कार्ड आणि पॅन कार्ड बनवले जात असल्याचा दावा केला जातोय. AI सह बनावट भारतीय ओळख दस्तऐवज तयार करण्याचा दावाही केल्यानंतर जेव्हा Moneycontrol.com ने Mac ॲपवर आधार प्रतिमा तयार करण्याचा प्रयत्न केला, तेव्हा ChatGPT ने ते तयार करण्यास नकार दिला. आधार कार्ड सारखे अधिकृत दस्तऐवज तयार करण्यास किंवा त्यात बदल करण्यास सिस्टीमने नकार दिला.

तसेच आधार कार्ड बनवण्यासाठी अधिकृत UIDAI वेबसाइट किंवा जवळच्या आधार नोंदणी केंद्राला भेट देण्याचा सल्ला चॅटजीपीटीच्या सिस्टीमने दिला. मात्र, त्यामुळे बनावट कार्ड बनवण्याच्या दाव्यावर पडदा पडला असं नाही. पण सिस्टीमने आधारकार्ड बनवण्यास नकार दिला असला तरी, त्यात काहीतही गौडबंगाल असू शकते, त्यामुळे आपली कागदपत्रे सुरक्षित ठेवणे महत्त्वाचं आहे.

या चुका करू नका

तुमची कागदपत्रे कोणाशीही शेअर करू नका.

विचारपूर्वक लिंकवर क्लिक करा.

कोणत्याही थर्ड पार्टी ॲपला फोटो गॅलरीत प्रवेश देऊ नका.

खरं आधार, पॅन कार्ड कसं ओळखायचं?

बनावट पासपोर्ट, आधार, पॅन कार्ड इत्यादी कागदपत्रे AI द्वारे तयार केलेली खरी आहेत की बनावट हे ओळखण्यासाठी, दोघांमधील फरक ओळखण्यास शिका. सर्वात आधी दस्तऐवजात योग्य फॉन्टसह हिंदी किंवा इंग्रजीमध्ये तपशील आहे का नाही हे काळजीपूर्वक तपासा. यानंतर दस्तऐवजाचे फोटो पहा. बारकाईने पाहून तुम्ही खऱ्या आणि बनावट कागदपत्रांमध्ये फरक करू शकता. इतर कोणाचे दस्तऐवज स्वतःकडे सबमिट करता तेव्हाही ते काळजीपूर्वक तपासून घ्या.