भारतात सणावारांना बॅंका बंद ठेवल्या जातात. आज २७ मे रोजी बकरी ईद निमित्त बॅंकाना सुट्टी असेल. हा सण इस्लाम धर्मातला महत्वाचा सण मानला जातो. काही ठिकाणी २८ मे रोजी बॅंकांना सुट्टी जाहीर करण्यात आली आहे. हा सण विविध राज्यांमध्ये चंद्रदर्शनानुसार साजरा करतात.

RBIच्या कॅलेंडरप्रमाणे बॅंकांच्या सुट्ट्या राज्यानुसार बदलतात. त्यामुळे ज्यांना बॅंकेचे व्यवहार करायचे आहेत. त्यांनी तिथल्या स्थानिक शाखेत जाऊन चौकशी करावी.

२७ मे रोजी महाराष्ट्रात बॅंका सुरु

पुढील माहितीत आपण २७ मे रोजी कोणत्या शहरांमध्ये बॅंका सुरु असणार याची माहिती जाणून घेणार आहोत. त्यामध्ये अगरतळा, अहमदाबाद, भोपाळ, चंदीगड, डेहराडून, गुवाहाटी. इम्फाळ, जम्मू, कानपूर, कोची, कोलकत्ता, लखनऊ, नवी दिल्ली, रायपूर, रांची, शिमला, श्रीनगर आणि अनेक शहरांमध्ये बॅंकांना सुट्टी देण्यात आली आहे. पण महाराष्ट्रातल्या सर्व बॅंक शाखांमध्ये रोजचे कामकाज सुरु असणार आहे.

महाराष्ट्रात २८ मे रोजी कोणत्या शाखा बंद राहणार?

महाराष्ट्रात ईदी निमित्त २८ मे रोजी सर्व सार्वजनिक आणि खासगी बॅंकांच्या शाखांना सुट्टी असेल. मुंबई, पुणे, नागपूर, नाशिक, ठाणे, छ. संभाजी नगर अशा अनेक राज्यातील आणि सर्व शहरातील बॅंका बंद राहणार आहेत. त्यामुळे तुमचे महत्वाचे रोख व्यवहार, चेक जमा किंवा इतर कामे तुम्हाला या २ दिवसांमध्ये करता येणार नाहीत.

ऑनलाइन बॅंकिंग सेवा सुरु राहणार का?

बॅंका बंद असल्या तरी ग्राहकांना डिजिटल सेवांमध्ये कोणतीही अडचण येणार नाही. युपीआय, मोबाइल बॅंकींग, नेटबॅंकिंग, IMPS, NEFT आणि RTGS सेवा नियमितपणे सुरु राहणार आहेत. तसेच ATM मधून रोख रक्कम काढणं आणि बाकीचे व्यवहारसुद्धा सुरु राहतील. त्यामुळे तुम्ही महत्वाचे व्यवहार या दिवसांमध्ये पूर्ण करू शकता.