काही दिवसांपूर्वी रिझर्व्ह बँकेने रेपो रेटमध्ये कपात करण्याचा निर्णय घेतला होता. रेपो रेटमध्ये कपात केल्यानंतर होम लोनचे व्याजदर आपोआप कमी झाले आहेत. अनेक बँकांनी होम लोनवरील व्याजदर कमी करण्याचा निर्णय घेतला आहे. स्टेट बँकेनेही व्याजदर कमी केले आहेत. स्टेट बँकेनंतर आता बँक ऑफ महाराष्ट्रनेदेखील होम लोनवरील व्याजदर कमी केले आहेत. (SBI Interest Rate)

बँक ऑफ महाराष्ट्रने ग्राहकांना दिलासा दिला आहे. गृह कर्ज, कार लोन आणि इतर कर्जावरील व्याजदरात कपात केली आहे. ०.५० टक्क्यांनी व्याजदर कमी केले आहेत. त्यामुळे आता होम लोन स्वस्त होणार आहे. (Bank Of Maharashtra Cut Interest Rates)

रिझर्व्ह बँक ऑफ इंडियाने तब्बल ५ वर्षांनी रेपो रेटमध्ये कपात केली आहे. रेपो रेटवर व्याजदर ठरवले जाते. रेपो रेट जेवढा कमी तेवढे व्याजदर कमी असते. त्यामुळे अनेक दिवसांपासून रेपो रेट कमी होण्याची अपेक्षा सर्वसामान्यांना होती. दरम्यान, अनेक बँकांनी व्याजदर कमी केले आहे.

रिझर्व्ह बँकेने रेपो रेटमध्ये २५ बेसिस पॉइंट्सने कपात केली आहे. रेपो रेट ६.२५ टक्के झाली आहे. बँकेच्या होमलोनचा बेंचमार्क हा ८.१० टक्क्यांपर्यंतखाली आला आहे. हे बँकिंग क्षेत्रातील सर्वात कमी व्याजदर आहे. कारलोनवरील व्याजदर ८.४५ टक्क्यांपर्यंत आले आहे. तसेच शैक्षणिक कर्ज आणि इतर कर्जदेखील स्वस्त झाले आहेत.