एअरपोर्ट अॅथोरिटी ऑफ इंडियामध्ये नोकरी करण्याची सुवर्णसंधी आहे. एअरपोर्ट अॅथोरिटी ऑफ इंडियाकडून नोकरी भरतीविषयी नोटीसही जारी करण्यात आली आहे. एअरपोर्ट अॅथोरिटी ऑफ इंडियात 'ज्युनिअर 'एक्झिक्युटिव्ह'च्या एकूण ९७६ पदांसाठी नोकरभरती होत आहे. या नोकरीसाठी २८ ऑगस्ट २०२५ रोजीपासून अर्ज प्रक्रिया सुरु करण्यात आली आहे. तर या नोकरीसाठी अर्ज भरण्यासाठी उमेदवारांना २७ सप्टेंबर २०२५ पर्यंत मुदत देण्यात आली आहे.

कोणते उमेदवार आहेत पात्र?

या नोकरीसाठी उमेदवारांना आर्किटेक्चर/इंजिनीअरिंग/टेक्नोलॉजी/कॉम्प्युटर सायन्स, कॉम्प्युटर इंजिनीअरिंग या आयटी विषयातील पदवी अनिवार्य आहे. तसेच गेट (Gate)स्कोर आवश्यक आहे.

वयाची मर्यादा काय?

नोकरीसाठी उमेदवारांना आयुमर्यादा २७ वर्षांपर्यंत निश्चित करण्यात आली आहे. आरक्षणाचा लाभ घेणाऱ्या उमेदवारांना वयाच्या अटीत सूट देण्यात आली आहे. एससी आणि एसटी उमेदवारांना वयाच्या अटीत ५ वर्षांची सूट देण्यात आली आहे. तर ओबीसी उमेदवारांना वयाच्या अटीत ३ वर्षांची सूट देण्यात आली आहे. तर दिव्यांग उमेदवारांना वयात १० वर्षांची सूट देण्यात आली आहे.

पगार किती?

एअरपोर्ट अॅथोरिटी ऑफ इंडियामधील या पदासाठी ४०,००० रुपये ते १४०,००० रुपये प्रति महिना वेतन निश्चित करण्यात आला आहे. तसेच नियुक्तीनंतर इतर भत्ते आणि सुविधांचाही लाभ मिळणार आहे.

अर्ज कसा करणार?

उमेदवाराला पहिल्यांदा अधिकृत वेबसाईट www.aai.aero वर जावे लागेल. त्यानंतर होमपेजवर RECRUITMENT OF JUNIOR EXECUTIVES THROUGH GATE" लिंकवर क्लिक करावं लागेल. आता रजिस्ट्रेशन करावे लागेल. त्यानंतर यूजर आयडी आणि पासवर्ड लॉगिन करावी लागेल. त्यानंतर वैयक्तिक आणि शैक्षणिक माहिती भरावी लागेल. आवश्यक कागदपत्रे स्कॅन करून अपलोड करावी लागतील. फॉर्म सबमिट करण्याआधी भरलेली माहिती तपासून घ्या. त्यानंतर भरलेल्या अर्जाची प्रिंट काढा.