आधार कार्ड हे प्रत्येक भारतीयांसाठी महत्त्वाचे कागदपत्र आहे. आधार कार्ड हे अनेक सरकारी कामांसाठी आवश्यक आहे. दरम्यान, तुम्हाला आधार कार्डमध्ये काही माहिती बदलायची असेल किंवा अपडेट करायचे असेल तर त्यासंबंधित नियमांमध्ये बदल करण्यात आले आहे. आता आधारसंबंधित सर्व कामे डिजिटल प्लॅटफॉर्मवर शिफ्ट करण्यात आली आहेत. त्यामुळे तुम्हाला कोणत्याही कामासाठी ऑफलाइन पद्धतीने आधार सेंटरमध्ये जाण्याची गरज नाही. तुम्ही आधार अपडेट, व्हेरिफिकेशन, पॅन कार्ड लिंक अशी सर्व कामे ऑफलाइन पद्धतीने घरबसल्या करु शकतात.

आधारसंबंधित सर्व कामे आता ऑनलाइन

UIDAI ने दिलेल्या माहितीनुसार, आता आधार कार्डधारक नाव, जन्मतारीख, मोबाईल नंबर ही सर्व माहिती अधिकृत वेबसाइटवर जाऊन अपडेट करु शखतात. यासाठी तुम्हाला पॅन कार्ड, पासपोर्ट, रेशन कार्ड, ड्रायव्हिंग लायसन्सची गरज असणार आहे.

आधार पॅन लिंकिंगची नवी डेडलाइन (Aadhaar Pan Link Deadline)

आता सरकारने आधार आणि पॅन कार्ड लिंक करण्याची शेवटची तारीख ३१ डिसेंबर २०२५ निश्चित करण्यात आली आहे. जर तुम्ही यापूर्वी आधार आणि पॅन कार्ड लिंक केले नाही तर तुमचे पॅन कार्ड निष्क्रिय केले जाईल. त्यामुळे तुम्हाला हे काम करावेच लागणार आहे.

केवायसी प्रोसेस

UIDAI ने केवायसी प्रोसेसमध्येही बदल केले आहेत. आता तुम्ही आधार ओटीपी, व्हिडिओ केवायसी किंवा इन पर्सन व्हेरिफिकेशन पूर्ण केले जाईल. यामुळे केवायसी प्रोसेस ही आधीपेक्षा सुरक्षित होईल.

आधार अपडेट फीमध्ये बदल

UIDAI ने १ नोव्हेंबरपासून आधार अपडेटच्या फीमध्ये बदल केले आहेत. आधार रिप्रिंटसाठी ४० रुपये द्यावे लागणार आहे. बायोमेट्रिक डेटा अपडेटसाठी १२५ रुपये तर डेमोग्राफिक अपडेटसाठी ७५ रुपये द्यावे लागणार आहे. होम एनरोलमेंटमध्ये पहिल्या सदस्यासाठी ७०० रुपये द्यावे लागणार आहे.