सरकारी कर्मचाऱ्यांसाठी महत्त्वाची बातमी आहे. सरकारी कर्मचारी अनेक दिवसांपासून आठव्या वेतन आयोगाची वाट पाहत आहेत. आठवा वेतन आयोग जानेवारी २०२६ पासून लागू झाला आहे मात्र प्रत्यक्ष पगारवाढ येण्यासाठी अजून काही दिवस वाट पाहावी लागणार आहे. दरम्यान, आठव्या वेतन आयोगात किती पगारवाढ होणार, याबाबत अनेक तर्क लावले जात आहेत. फिटमेंट फॅक्टर किती असणार असाही प्रश्न विचारला जात आहे. कारण फिटमेंट फॅक्टरवरच पगावाढ अवलंबून असते.

आठव्या वेतन आयोगात फिटमेंट फॅक्टरवर पगारवाढ लागू होते. त्यामध्ये पगार तर वाढणारच याचसोबत जानेवारी २०२६ पासूनचा एरियरदेखील मिळणार आहे. दरम्यान, कर्मचाऱ्यांचा पगार किती वाढू शकतो ते जाणून घ्या.

फिटमेंट फॅक्टरवर ठरणार पगारवाढ

आठव्या वेतन आयोगात पगारवाढ किती असणार हे फिटमेंट फॅक्टरवर ठरणार आहे. जर फिटमेंट फॅक्टर २.५७ झाला तर बेसिक सॅलरी ३०-३५ टक्के वाढण्याची शक्यता आहे. त्यामुळे कर्मचाऱ्यांचा पगार ४६,२६० ते ६,४२,५०० रुपयांपर्यंत होऊ शकतो.

जर फिटमेंट फॅक्टर ३.० निश्चित झाला तर कर्मचाऱ्यांचा पगार ५४,००० ते ७५०,००० रुपयांपर्यंत होऊ शकतो. फिटमेंट फॅक्टर ३.२५ निश्चित झाला तर पगार ५८,५००० रुपयांपासून ते ८,१२,५०० रुपयांपर्यंत होऊ शकतो. त्यामुळे कर्मचाऱ्यांचा पगार कितीने वाढणार हे फिटमेंट फॅक्टरवर ठरणार आहे.

किती मिळणार एरियर (8th Pay Commission Arrear)

आठवा वेतन आयोग लागू होण्यास जेवढा वेळ लागणार तेवढ्या महिन्याचा एरियर मिळणार आहे. त्यामुळे कर्मचाऱ्यांना ३ ते ९ लाखांपर्यंतचा एरियर मिळू शकतो, असं सांगण्यात येत आहे.