केंद्र सरकारने आठव्या वेतन आयोगाची घोषणा केली. आठव्या वेतन आयोगासाठी समिती स्थापन करण्यात आली आहे. ही समिती १८ दिवसांत शिफारसी सादर करणार आहे. त्यानंतर या शिफारशींना केंद्र सरकार सहमती देणार आणि यानंतर कर्मचाऱ्यांच्या पगारात वाढ केली जाणार आहे. दरम्यान, आठव्या वेतन आयोगात महागाई भत्ता हा शून्य होणार आहे. सध्या केंद्रीय कर्मचाऱ्यांचा महागाई भत्ता हा ५८ टक्के आहे.

आठव्या वेतन आयोगात महागाई भत्त्यात होणार बदल

आठव्या वेतन आयोगाचा परिणाम हा महागाई भत्त्यावर होतो. मिडिया रिपोर्टनुसार, आठव्या वेतन आयोगात सुरुवातीला महागाई भत्ता शून्य हणार आहे. नवीन वेतन आयोगाच्या शिफारशी लागू झाल्यानंतर सध्याचा महागाई भत्ता बेसिक सॅलरीत रुपांतरित करण्याची शक्यता आहे.त्यानंतर पुन्हा वर्षभरात दोनदा महागाई भत्ता वाढला जाईल.

कधी लागू होणार नवीन वेतन आयोग लागू? (When Will 8th Pay Commission Implemented)

आठव्या वेतन आयोगाची रिपोर्ट १८ महिन्यात सादर करायची आहे. म्हणजेच २०२७ च्या सुरुवातीला आठवा वेतन आयोग लागू होऊ शकतो. मिडिया रिपोर्टनुसार, ८ व्या वेतन आयोगात सुरुवातीला महागाई भत्ता शून्य केला जाईल.

फिटमेंट फॅक्टर काय आहे? (What is Fitment Factor)

फिटमेंट फॅक्टरच्या आधारे नवीन वेतन आयोग लागू केला जातो. फिटमेंट फॅक्टर म्हणजेच मागील वेतन आयोगाच्या मूळ पगारात गुणाकार करुन नवीन पगार ठरवला जातो. सध्या फिटमेंट फॅक्टर २.५७ आहे. आठव्या वेतन आयोगात फिटमेंट फॅक्टर २.८६ होण्याची शक्यता आहे.