सरकारी कर्मचारी आणि वेतन धारकांसाठी अत्यंत महत्त्वाची बातमी समोर आली आहे. आठव्या वेतन आयोगाबाबत केंद्रीय कर्मचारी आणि पेन्शनधारकांसाठी महत्त्वाची अपडेट समोर आली आहे. कर्मचारी संघटनांकडून ३.६१ ते ४.०० फिटमेंट फॅक्टर लागू करण्याची मागणी करण्यात आली आहे. यामध्ये ४.० फिटमेंट फॅक्टर लागू झाल्यावर बेसिक सॅलरीत सर्वात मोठी वाढ होऊ शकते.

सातव्या वेतन आयोगात किती वाढ झाली होती?

सातव्या वेतन आयोगात २.५७ फिटमेंट फॅक्टर लागू करण्यात आला होता. त्यानुसार केंद्रीय कर्मचाऱ्यांची बेसिक सॅलरी ७,००० रुपयांवरून १८,००० रुपये करण्यात आली होती. आता आठव्या वेतन आयोगासाठी यापेक्षा जास्त फिटमेंट फॅक्टरची मागणी होत आहे.

४.० फिटमेंट फॅक्टर झाला तर पगार किती होणार?

जर ४.० फिटमेंट फॅक्टर स्वीकारला तर सध्याच्या १८,००० बेसिक सॅलरीच्या तुलनेत गणित केल्यावर रक्कम ७२,००० रुपये होऊ शकते. मात्र ही फक्त मागणीवर आधारित गणना आहे. सरकारने अजून कोणताही फिटमेंट फॅक्टर ठरवलेला नाही.

पेन्शनमध्येही मोठी वाढ होणार

उदाहरणार्थ एखाद्या पेन्शनरची सध्याची बेसिक पेन्शन १५,००० रुपये असेल आणि ४.० च्या गुणकानुसार ती ६०,००० होऊ शकते. मात्र प्रत्यक्ष पेन्शन ठरवचाना आयोगाच्या शिफारशी आणि सरकारचा अंतिम निर्णय महत्त्वाचा असेल.

४.० फिटमेंट फॅक्टरची मागणी कोणी केली?

भारतीय प्रतिरक्षा मजदूर संघ (BPMS) कडून ४.० फिटमेंट फॅक्टरची मागणी करण्यात आली आहे. संघटनेच्या मते, यातील १.५८ घटक DA चा प्रभाव एकत्र करण्यासाठी तर उरलेली वाढ उत्पन्नवाढीसाठी आहे.