उद्या १ फेब्रुवारी रोजी देशाचे अर्थसंकल्प सादर केले जाणार आहे. या अर्थसंकल्पात सर्वसामान्यांसाठी अनेक निर्णय होऊ शकतात. दरम्यान, केंद्र सरकारने नुकतीच आठव्या वेतन आयोगाची घोषणा केली आहे. आठव्या वेतन आयोगासाठी समिती स्थापन करण्यास सांगितले आहे.दरम्यान, आठव्या वेतन आयोगात सरकारी कर्मचाऱ्यांचा पगार किती वाढणार याकडे सर्वांचेच लक्ष आहे. अशातच उद्या १ फेब्रुवारी रोजी आठव्या वेतन आयोगाबाबत मोठी घोषणा होऊ शकतात. (8th Pay Commission)

मिडिया रिपोर्टनुसार, आठव्या वेतन आयोगात फिटमेंट फॅक्टर १.९२ ते २.०८ च्या मध्ये असू शकतो. सरकारी कर्मचाऱ्यांच्या पगारात १०८ टक्क्यांनी वाढ होऊ शकते. दरम्यान, सॅलरी स्टारप्रत, महागाई भत्ता आणि फिटमेंट फॅक्टरबाबत कोणतीही घोषणा झालेली नाही.बजेटमध्ये याबाबत घोषणा होण्याची अपेक्षा सरकारी कर्मचाऱ्यांना आहे. (8th Pay Commission News)

आठव्या वेतन आयोगाची समिती स्थापन करण्यास मंजुरी दिली आहे. आतापर्यंत ७ वेतन आयोग लागू करण्यात आले आहेत. २०१६ मध्ये ७वा वेतन आयोग लागू करण्यात आला आहे. हा वेतन आयोग २०२६ मध्ये संपणार आहे. दर दहा वर्षांनी नवीन वेतन आयोग लागू केला जातो. त्यामुळे २०२६ मध्ये आठवा वेतन आयोग लागू केला जाणार आहे.

फिटमेंट फॅक्टर आणि महागाई भत्त्यात वाढ

आठव्या वेतन आयोगात फिटमेंट फॅक्टरमध्ये वाढ होणार आहे. यामध्ये कमीत कमी फिटमेंट फॅक्टर २.८६ होऊ शकतो.जर फिटमेंट फॅक्टर २.०८ झाला तर केंद्रिय कर्मचाऱ्यांची बेसिक सॅलरी १८००० हून ३७,४४० होऊ शकते. तर पेन्शन ९००० हून १८,७२० होऊ शकते. जर फिटमेंट फॅक्टरमध्ये १८६ टक्के वाढ झाली तर बेसिक सॅलरी ५१,४८० रुपये तर पेन्शन २५,७४० होऊ शकते. ८ व्या वेतन आयोगाबाबत बजेटमध्ये घोषणा होऊ शकते. आठव्या वेतन आयोगात सरकारी कर्मचाऱ्यांना दिलासा मिळण्याची शक्यता आहे.