करदात्यांसाठी महत्त्वाची घोषणा अर्थसंकल्पात करण्यात आली आहे. आता टॅक्स न भरलेल्यांसाठी आयकर फाइल करण्याची मर्यादा वाढवण्यात आली आहे. आता ४ वर्षांसाठीचा आयकर तुम्ही भरु शकतात.त्यामुळे करदाते ४ वर्षांचा आयटीआर एकाच वर्षी फाइल करु शकणार आहेत. अर्थमंत्री निर्मला सितारामन यांनी याबाबत घोषणा केली आहे.

आता आयटीआर फाइल करण्यासाठी मर्यादा २ वर्षांची होती. तुम्ही २ वर्षांचा आयटीआर एकावेळी भरु शकत होता. मात्र, आता ही लिमिट वाढवण्यात आली आहे. याबाबत निर्मला सितारामन यांनी माहिती दिली आहे.

टीडीएसची मर्यादा वाढली

अर्थसंकल्पात अनेक मोठ्या घोषणा करण्यात आल्या आहेत. अर्थसंकल्पात ज्येष्ठ नागरिकांसाठी टीडीएसची मर्यादा १ लाख रुपये करण्यात आली आहे. तसेच रेंटवरील टीसीएसची मर्यादा २.४० लाखांवरुन ६ लाख करण्यात येणार असेही अर्थमंत्र्यांनी सांगितले आहे.

नवीन कर प्रणालीमध्ये वार्षिक उत्पन्न १२ लाख

अर्थसंकल्पात नोकरदार वर्गासाठीही घोषणा करण्यात आली आहे. नवीन कर प्रणालीमध्ये वार्षिक उत्पन्न १२ लाख उत्पन्न कर लागणार आहे. नवीन कर प्रणालीच्या स्लॅबमध्येही बदल करण्यात आले आहे. ४ लाखांवर कोणताही टॅक्स भरावा लागणार नाही. ४ ते ८ लाख उत्पन्नावर ५ टक्के, ८ ते १२ लाखांच्या उत्पन्नावर १० टक्के कर भरावा लागणार आहे.