वॉशिंग्टन: मोदी आणि इम्रान खान २७ सप्टेंबरला संयुक्त राष्ट्रांच्या आमसभेसमोर भाषण करणार आहेत. या पार्श्वभूमीवर, पत्रकारांशी बोलताना ट्रम्प यांनी दोन्ही देशांतील तणाव कमी झाला असून, दोन्ही देशांच्या नेत्यांना भेटणार असल्याचे सांगितले. यावेळी काश्मीरच्या मुद्द्याचा उल्लेख न करता ते म्हणाले, 'दोन्ही देशांमधील तणाव कमी झाला असून, त्यामध्ये खूप प्रगती झाली आहे.'
येत्या काही दिवसांमध्ये भारत आणि पाकिस्तानच्या पंतप्रधानांना भेटणार असून, दोन्ही देशांमधील तणाव कमी करण्याच्या दृष्टीने खूप प्रगती झाली आहे, असे अमेरिकेचे अध्यक्ष डोनाल्ड ट्रम्प यांनी सांगितले. पंतप्रधान नरेंद्र मोदी या आठवड्याच्या अखेरीस अमेरिकेच्या दौऱ्यावर जात आहेत. ह्युस्टन येथे मोदी यांची अमेरिकी भारतीयांसमोर सभा होणार असून, त्यामध्ये ट्रम्पही उपस्थित राहणार आहेत, तर पुढील आठवड्यात पाकिस्तानचे पंतप्रधान इम्रान खान यांच्याबरोबरही त्यांची भेट होणार आहे.
जगातील राजकीय नेत्यांना त्यांच्या परिणामकारक कामासाठी हा पुरस्कार देण्यात येतो. स्वच्छ भारत अभियानाच्या माध्यमातून भारतातील स्वच्छतेच्या दृष्टीने त्यांनी केलेल्या कामासाठी मोदी यांना हा पुरस्कार देण्यात येत आहे. हा कार्यक्रम २४ सप्टेंबरला होत आहे.
पंतप्रधान नरेंद्र मोदी यांना बिल व मेलिंडा गेट्स फाऊंडेशनच्या वतीने प्रतिष्ठेच्या 'ग्लोबल गोलकीपर अवार्ड' देऊन गौरवण्यात येणार आहे.
Web Title trump to meet modi imran soon
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.