मुंबई : ठाकरे सरकारचा चेहरा उघडा पाडण्यासाठी 22 फेब्रुवारी रोजी संपूर्ण राज्यभर धरणे आंदोलन करण्यात येणार असल्याची घोषणा भाजपचे प्रदेशाध्यक्ष चंद्रकांत पाटील यांनी आज केली. 

नवी मुंबईत सुरू असलेल्या भाजपच्या अधिवेशनात पाटील बोलत होते. आजच्या अधिवेशनास पक्षाचे अध्यक्ष जे.पी.नड्डा यांच्यासह राज्यातील नेते आणि कार्यकर्ते मोठ्या संख्येने उपस्थित आहेत. 

आजच्या अधिवेशनात भाजपच्या जवळजवळ सर्वच नेत्यांनी राज्यातील ठाकरे सरकारला लक्ष्य केले. भाजपचे नेते संजय कुटे यांनी शिवसेनेवर टीकास्त्र सोडले आहे. शिवसेनेने घात केला असा त्यांच्या भाषणाच सूर होता. 

कुटेंपाठोपाठ चंद्रकांत पाटील यांनी ठाकरे सरकारविरोधात रस्त्यावर उतरण्याचा इशारा दिला आहे. 22 फेब्रवारीरोजी प्रामुख्याने तहसील कार्यालयाबाहेर भाजपतर्फे आंदोलन केले जाणार आहे.