औरंगाबाद : पोलिसांना कारवाईसाठी कॅमेरे दिले असताना मोबाईलमध्ये वाहनाचा फोटो काढले जातायत. सेफ सिटी कॅमेऱ्याने ऑनलाइन चलानद्वारे कारवाईसाठी चालना दिली जातेय. त्याच वेळी याला फाटा देत रस्त्यावर वाहतूक पोलिस ऑफलाइन कारवाईसाठी आग्रही असल्याचे  दिसून आले.  एकाने आपल्यावरील अन्यायाबाबत रविवारी सिडको पोलिसांत तक्रार दिली आहे.

पोलिसांची दमदाटी
तुमच्या फोनमध्ये ऍप्लिकेशन असेल, फोटो काढा व मला ऑनलाइन पावती द्या, असे म्हणताच वाहतूक पोलिसाचा पारा चढला. जास्त हुशारी करू नकोस, असे म्हणून तरुणावर हातही उचलण्यात आला. ऑनलाइन पावती काढण्याचे बंद झाले आता. असे उत्तर त्यांच्याकडून आले. पैसे नसल्यास गाडी जमा राहील, एकतर पावती भर. असे म्हणून पीटर मोबाईलला बोलावत गाडी जप्तीसाठी त्यांनी प्रयत्न केल्याचे व्हिडिओत दिसून येत आहे.