एरव्ही एलओसीवर अंदाधूंद फायरिंग करुन वांरवार शस्त्रसंधींच उल्लंघन करणाऱ्या पाकिस्तानने, पुन्हा एकदा भारताला डिवचण्याचा प्रयत्न केलाय. सर्व नियम धाब्यावर बसवत पाकिस्तानच्या तीन एमआय-17 हेलिकॉप्टर्सनी थेट एलओसीवरच घुसखोरी केली. एलओसीपासून 300 मीटर अंतरापर्यंत हे तिन्ही हेलिकॉप्टर येऊन परतले. ही घटना बुधवारी सकाळी 10 वाजण्याच्या सुमारास घडली. यानंतर भारतीय लष्कराकडून हेलिकॉप्टरवर गोळीबार करण्यात आला. दोन्ही देशांमध्ये झालेल्या करारांनुसार, सीमेपासून जवळपास एक किलोमीटर अंतरापर्यंत कोणत्याही देशाचं हेलिकॉप्टर उडवण्याची परवानगी नाही. तसेच लढाऊ विमानांना हे अंतर 10 किलोमीटर पर्यंतच आहे.