मनोज जयस्वाल 

वाशिम : मागील काही दिवसांपासून राज्यात अवकाळी पावसाचा अंदाज वर्तविण्यात आला आहे. त्यानुसार अनेक भागात वादळी (Washim) वाऱ्यासह पाऊस व गारपीट झाली. यामुळे पिकांचे मोठ्या प्रमाणात नुकसान झाले आहे. (Farmer) त्यानुसार वाशिमच्या कारंजा तालुक्यातील पोहा व कारंजा या दोन महसूल मंडळात पाऊस व गारपिटीमुळे १५३९ हेक्टरवरील पिकांचे नुकसान झाले आहे.  (Latest Marathi News)

वाशीम जिल्ह्यातील पोहा व कारंजा मंडळ क्षेत्रात २६ फेब्रुवारीला रात्री वादळी वारा व विजेच्या कडकडाटासह अवकाळी पाऊस (Rain) व गारपीट झाली होती. या नैसर्गिक आपत्तीचा १५३९ हेक्टरवरील रब्बी पिकांना फटका बसला. तर लहान मोठ्या तीन जनावरांचा मृत्यू झाल्याची माहिती तहसील प्रशासनाने दिली आहे. अवकाळी पाऊस व गारपिटीमुळे नुकसान झालेल्या पिकात गहू, हरभरा, टरबूज, संत्रा, ज्वारी व भाजीपाला या पिकांचा समावेश आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शेतकरी संकटात 

शेतकऱ्याला नेहमीच निसर्गाच्या लहरीपणामुळे संकटाचा सामना करावा लागतो. त्यानुसार आताच्या अवकाळीमुळे रब्बी पिकांचे नुकसान झाल्याने पुन्हा एकदा शेतकरी आर्थिक संकटाच्या खाईत लोटला गेला आहे. त्यामुळे शेतकऱ्याला लवकरात लवकर अर्थिक मदतीची गरज आहे.