मनोज जयस्वाल 

वाशिम : लागवड केलेल्या हळद काढणीला सुरवात झाली आहे. यामुळे मार्केटमध्ये आता नवीन हळदीची आवक सुरु झाली आहे. त्यानुसार (Washim) वाशीम जिल्ह्यातील रिसोड बाजार समितीत हळद खरेदीला सुरवात झाली असून नव्या (Turmeric) हळदीला प्रतिक्विंटल १७ हजार इतका दर मिळाला आहे. (Live Marathi News)

हळद खरेदीसाठी वाशिम जिल्ह्यात प्रसिद्ध असलेल्या रिसोड कृषी उत्पन्न बाजार समितीमध्ये (Bajar Samiti) आजपासून हळद खरेदीच्या नव्या हंगामाला सुरवात झाली आहे. पहिल्या दिवशी हळद विक्रीसाठी आणलेल्या शेतकऱ्यांचा शेला-टोपी देऊन आमदार अमित झनक यांच्या हस्ते सत्कार करण्यात आला. पहिल्याच दिवशी नव्या हळदीला १७ हजार रुपये प्रतिक्विंटल इतका दर मिळाला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आठवड्यातून दोन दिवस खरेदी 
नवीन हळदीची आवक सुरु झाली असून रिसोड कृषी उत्पन्न बाजार समितीत दर गुरुवार आणि शनिवारी हळद खरेदी केली जाणार आहे. पहिल्याच दिवशी चांगले दर मिळाल्याने शेतकऱ्यांचा अपेक्षा उंचावल्या आहेत. यामुळे आगामी काळात आणखी चांगला दर मिळेल अशी अपेक्षा शेतकऱ्यांना आहे.