चेतन व्यास
वर्धा : बाजार समितीत सोयाबीनला सुरवातीला चांगला दर मिळत नव्हता. यामुळे शेतकरी हताश झाला होता. मात्र विदर्भातील (Wardha) वर्धा जिल्ह्यातील सर्वात मोठी बाजार समिती असलेल्या हिंगणघाट बाजार समितीत (Soyabean Price) सोयाबीनला ४ हजार ९०१ रुपये इतका दर मिळत आहे. (Breaking Marathi News)

वर्धा जिल्ह्यातील हिंगणघाट येथील बाजार समितीमध्ये शेतकऱ्यांच्या सोयाबीनला चार हजार नऊशे एक रुपये प्रति क्विंटल सर्वाधिक दर मिळाला. त्यामुळे शेतकऱ्यांचा कृषी उत्पन्न बाजार समितीला भरघोस प्रतिसाद मिळतोय. हिंगणघाट कृषी उत्पन्न बाजार समितीत सोयाबीनची रेकॉर्ड ब्रेक आवक येत आहे. सोयाबीनला चांगला दर मिळत असल्याने शेतकऱ्यांमध्ये (Farmer) देखील आनंदाचे वातावरण आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दोन सत्रात झाला लिलाव 

इतर बाजार समितीच्या तुलनेत सोयाबीनला प्रतिक्विंटल २०० ते ३०० रुपये जास्त दर मिळत असल्याने विदर्भातील इतरही जिल्ह्यातून शेतकरी सोयाबीन विक्रीसाठी आणत आहे. यामुळे बाजार समितीत दोन सत्रात सोयाबीनचा लिलाव केला जात आहे. या लिलाव प्रक्रियेत दररोज २२ खरेदीदार निलावात सहभागी होत असल्याने शेतकरी समाधानी आहे.