नंदूरबार: शेजारच्या शेतकऱ्याचा शेतात लागलेल्या ऊसाची आग आपल्या शेतातील गव्हाच्या पीकात पोहचु नये यासाठी ती विझवण्यासाठी गेलेल्या एका शेतकऱ्याचा आगीत होरपळुन मृत्यू झाल्याची दुर्दैवी घटना शहादा तालुक्यातील बामखेडामध्ये घडली आहे. संजय एकनाथ चौधरी असे या ५६ वर्षीय शेतकऱ्याचे नाव आहे. त्याच्या शेताला लागुन असलेल्या गणेश पटेल याच्या शेतातील ऊसाला आज दुपारी आग लागली होती. सदरची आग ही शॉट सर्कीट मुळे लागल्याचा अंदाज आहे.

मात्र आगीनं रौद्ररुप धारण केल होते. शेजारच्या शेतातील आग वाढुन आपल्या शेतात येवु नये आणि आपल्या शेतातील गव्हाच्या पिकाचे नुकसान होवु नये म्हणुन संजय चौधरी हे देखील आग विझवण्याचा प्रयत्न करत होते. मात्र आग विझवतांना त्याचा आगीत होरपळुन मृत्यु झाला आहे. आग विझवतांना त्यांचा पाय ऊसात उडकुन पडल्याने ही घटना घडल्याचा अंदाज व्यक्त केल्या जात आहे. या प्रकरणी सारंगखेडा पोलीस ठाण्यात आकस्मित मृत्युची नोंद करण्यात आली असुन घटनेप्रकरणी परिसरात हळहळ व्यक्त होत आहे.

Edited By: Pravin Dhamale