- रामनाथ ढाकणे

छत्रपती संभाजीनगर जिल्ह्यात पाचोड पोलिस आणि कृषी निरीक्षकांनी संयुक्त रित्याकारवाई करीत बोगस कापूस बियाणे विक्रीचा पर्दाफाश केला आहे. या कारवाईत गुजरातच्या व्यापाऱ्याकडून बोगस बियाण्यांची 30 पाकिटे हस्तगत करण्यात आली आहेत. या प्रकरणी व्यापारी, कुरियर चालक आणि एका कंपनी विरोधात गुन्हा दाखल करण्यात आला आहे.

छत्रपती संभाजीनगर जिल्ह्यातील पैठण तालुक्यातील दांडगा रांजणगाव येथे पाेलिस आणि कृषी निरीक्षकांनी संयुक्त रित्या ही कारवाई करण्यात आली आहे. या कारवाईमुळे बोगस कापूस बियाणे विक्रीचा पर्दाफाश झाला आहे.

एका शेतात बोगस कापूस बियाणे विक्री करून शेतकऱ्यांची फसवणूक करण्यात येत असल्याची माहिती उघडकीस आली. या संयुक्त कारवाई लाखो रुपये किमतीचे विक्रीसाठी आणलेले 30 बोगस कापूस बियाणांची पाकिटे गुजरातच्या व्यापाऱ्याकडून पोलिसांनी हस्तगत केली आहेत.

Edited By : Siddharth Latkar