- सुशिल थाेरात

Rohit Pawar : नगर (nagar) जिल्ह्यातील कर्जत (karjat) तालुक्यात रब्बी हंगामात यंदा विक्रमी कांदा (onion) लागवड झाली आहे. १५ हजार हेक्टरवर कांदा लागवड झाल्याने कांद्याचे उत्पादनही वाढणार आहे. मात्र कांद्याचे दर दिवसेंदिवस कोसळत असल्याने शेतकरी (farmers) हवालदिल झाला आहे. यावरुन आमदार राेहित पवार (rohit pawar) यांनी सरकारला (maharashtra government) धारेवर धरलं आहे.

आमदार रोहित पवार म्हणाले आत्ताच सरकार सत्ता टिकवण्यात जास्त मग्न आहे. लोकांचे प्रश्न सोडवण्यासाठी त्यांना स्वारस्य नाही. त्याचा फटका कांदा उत्पादक शेतकऱ्यांना बसत आहे. लवकरात लवकर राज्य सरकारने निर्णय घेण्याची गरज असल्याची भावना आमदार पवार यांनी व्यक्त केली. (Maharashtra News)

यावर्षी कर्जत तालुक्यात खरीप हंगामातही मोठ्या प्रमाणावर कांदा लागवड झाली अतिवृष्टीत अनेक शेतकऱ्यांचे नुकसान झाले. उर्वरित कांद्याला दर मिळत नाही. कांद्याचे दर यावर्षी दहा रुपयांच्या खाली आल्याने शेतकऱ्यांचा उत्पादन खर्चही निघेना, तर कांद्याला चांगला दर मिळेल, या आशेने शेतकऱ्यांनी मोठ्या प्रमाणावर कांदा लागवड केली. मात्र कांद्याला दर नसल्याने शेतकरी हवालदिल झाला आहे.

Edited By : Siddharth Latkar