परभणी : जिल्ह्यात तापमानात दिवसेंदिवस वाढ होत असल्याने बाजारपेठेत काही दिवसापासून लिंबाला मागणी वाढली आहे. त्यामुळे लिंबाचे भावही वधारले आहेत. मात्र (Bajar Samiti) बाजार समितीमध्‍ये (Farmer) शेतकरीकडून ३० ते ३५ रूपये किलोने लिंबू खरेदी करून व्‍यापारीकडून तिप्‍पटीच्‍या किंमतीने विक्री केली जात आहे. (Breaking Marathi News)

परभणी शहरातील गांधी पार्क, महाराणा प्रताप चौक, क्रांती चौक परिसरात लिंबू शंभर रुपये प्रति किलोने विक्री होत आहे. त्यामुळे गृहिणींची मोठी अडचण झाल्याचे दिसून येत आहेत. लिंबू हे आरोग्यासाठी लाभदायी असून स्वयंपाक गृहात नेहमीच असते. मात्र मागील काही दिवसांपासून लिंबाचे भाव वाढल्याने लिंबाचा वापर करताना हात अखडता घ्यावा लागत आहे.

शेतकरी मात्र अडचणीत

लिंबू उत्पादक शेतकऱ्याकडून ३० ते २५ रुपये किलो ह्या दराने व्यापारी लिंबू घेत असल्याने लिंबू उत्पादक शेतकरी अडचणीत आला आहे. लिंबू काढण्यासाठी किलोला सात रुपये खर्च त्यात भाव नसल्याने शेतकऱ्याची लूट होत असल्याने अधिकच अडचणीत सापडला आह़े.