सागर निकवाडे

नंदूरबार : राज्‍यात कुठेही कांद्याला बाजार समितीत चांगला दर मिळत नाही. हीच परिस्‍थीती नंदुरबारमध्‍ये असून नंदूरबार (Nandurbar) बाजारात कांद्याला रास्त भाव मिळत नसल्याने शेतकऱ्यांच्या (farmer) डोळ्यात पाणी आणले आहे. यामुळे कांद्याने चांगलाच वांदा केला आहे. (Maharashtra News)

हल्ली बाजारात केवळ चार ते सात रुपये प्रति किलो दराने कांदा खरेदी करण्यात येत आहे. मात्र शेतकऱ्यांनी कांदा पिकांवर केलेला खर्च खर्च देखील निघणार नसल्‍याची परिस्थिती निर्माण झाली आहे. यंदा कांद्याने शेतकऱ्यांच्या पदरी निराशा दिली आहे. राज्‍यातील सर्वच बाजार समितींमध्‍ये कांद्याला (Onion) अगदी कवडीमोल भाव मिळत आहे. बळीराजाचा खर्च तर सोडा उलट वरतून पैसे मोजावे लागत असल्‍याचे चित्र सध्‍या बाजारात आहे.

रोजचे चारशे कट्टे

नंदुरबार येथील महात्मा ज्योतिबा फुले बाजारपेठेमध्ये दररोज ३०० ते ४०० कट्टे कांदे विक्रीला दाखल होत आहेत. बाजारात कांद्याला आवक अधिक वाढली आहे. मात्र कांद्याला भाव मिळत नसल्याने शेतकऱ्यांनी नाराजी व्यक्त केली आहे.