सागर निकवाडे

नंदुरबार : रब्बी हंगामातील ज्वारी पीक आता जोमात आहे. कणसातील दाना पक्का होत असून हे ज्वारीचे दाणे पक्षी (Nandurbar) खाण्यासाठी पिकांवर येत आहेत. अनेक शेतकरी गोफण घेऊन पक्षांना पिकातून उठवत असतात. तरी देखील पक्षी येऊन बसत असतात. यामुळेच ज्वारी पिकाचे संरक्षण करण्यासाठी (Farmer) शेतकऱ्याने भन्नाट जुगाड केला आहे. (Latest Marathi News)

नंदुरबार जिल्ह्याभरात रब्बी ज्वारी तयार झाली असून आता काढणीला आली आहे. ज्वारीचे कणीस हे पूर्णपणे भरले गेले (Rabi Crops) आहेत. मात्र या ज्वारीला पक्ष्यांकडून मोठं नुकसान केले जात असते. जिल्ह्यात पूर्वी दुष्काळ सदृश्य परिस्थिती आणि नंतर आलेल्या अवकाळी पावसामुळे शेतकऱ्यांच्या अडचणीत वाढ झाली आहे. आता हे नुकसान देखील शेतकऱ्यांना सोसावे लागत आहे. यावर सुनील पाटील या शेतकरीने एक भन्नाट जुगाड केला आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

प्रत्येक कणसाला बांधली पिशवी 

सुनील पाटील या शेतकऱ्याने ज्वारीच्या प्रत्येक कणसांना प्लास्टिकच्या पिशवीने बांधले आहेत. जेणेकरून पक्षांकडून या कणसांचे संरक्षण होत आहे. शेतात राबून शेतकरी निसर्गाशी दोन हात करत पीक काढत आहे. मात्र पिकाला योग्य भाव मिळाला, तरच आम्हाला पैसे वाचतील अशी प्रतिक्रिया देखील शेतकऱ्यांकडून दिली जात आहे.