सागर निकवाडे 
नंदूरबार : केळी पिकावर सध्या सीएमव्ही रोगाचा प्रादुर्भाव पाहण्यास मिळत आहे. दरम्यान शहादा (Shahada) तालुक्यात मोठ्या प्रमाणात केळीची लागवड केली जात असते. मात्र, ब्राह्मणपुरी येथील शेतकऱ्यांचा अडीच एकर क्षेत्रावरील केळी पिकांवर (Banana Crop) सीएमव्ही रोगाचा प्रादुर्भाव झाल्याने केळीच्या बागमध्ये जनावरे चारण्यासाठी सोडण्याची वेळ आली आहे. यामुळे शेतकऱ्याला आर्थिक फटका बसला असून, नुकसान भरपाई द्यावी, अशी मागणी शेतकऱ्यानी केली आहे. (Tajya Batmya)

नंदुरबार जिल्ह्यात शहादा तालुका हा केळी उत्पादक शेतकऱ्यांचा तालुका म्हणून ओळखला जातो. दरवर्षीप्रमाणे यावर्षी देखील मोठ्या प्रमाणात शेतकऱ्यानी आपल्या क्षेत्रात मोठ्या प्रमाणात केळी रोपांची लागवड केली आहे. ब्राहाणपुरी येथील शेतकरी नरसई सखाराम पाटील यांनी देखील आपल्या अडीच एकर क्षेत्रात लागवडीसाठी नाशिक येथील एका कंपनीतून सुमारे तीन हजार दोनशे केळीच्या रोपांची लागवड केली आहे. परंतु यावर सीएमव्ही रोगाचा प्रादुर्भाव वाढत असल्याने पीक उपटून फेकावे लागत आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शेतकऱ्याचे आर्थिक नुकसान 

प्रतिरोप १४ रुपये किमतीची मागवली होती. ही रोपे जुलै महिन्यात लागवड करण्यात आली होती. लागवड करून तीन महिने रासायनिक खताबरोबर निदणी आदी खंर्च केला. परंतु अडीच एकर क्षेत्रावरील केळी पिकांवर सीएमव्ही रोगाचा प्रादुर्भाव झाल्याने विविध उपाययोजना करून देखील केळीच्या बागा काढण्याशिवाय दुसरा पर्याय नसून ब्राह्मणपुरी येथील शेतकरी नरसई सखाराम पाटील यांनी आपल्या अडीच एकर क्षेत्रावरील केळांच्या बागेवर जनावरे सोडून रोटावेटर फिरवण्याची वेळ आली आहे.