संजय सूर्यवंशी

नांदेड : नांदेड जिल्ह्यात सोयाबीन पिकाची मोठ्या प्रमाणात लागवड करण्यात आली आहे. मात्र सोयाबीन (Nanded) उत्पादक शेतकरी संकटात सापडला आहे. सध्या सोयाबीनवर (Soybean Crop) यलो मोझ्याक रोगाचा प्रादुर्भाव वाढला असल्याने सोयाबीन पिकाला मोठा फटका बसला आहे. (Maharashtra News)

नांदेड जिल्ह्यातील आर्धापुर तालुक्यातील लहान या गावातील शेतकरी केशव नादरे यांनी आपल्या 3 एकर शेतात सोयाबीन पेरले होत. परंतु ऐन फुलोऱ्यात आलेल्या सोयाबीनवर यलो मोझ्याक नावाचा रोग पडला. या रोगामुळे तीन एकरमधील सोयाबीन पिवळ पडल असून सोयाबीनच्या पिकाला एकही शेंग लागली नाही. त्यामुळे या (Farmer) शेतकऱ्याने तीन एकर मधील सोयाबीन काढून टाकलं आहे. 

पंचनामा करून भरपाईची मागणी 

शेतकऱ्यासोबतच जिल्ह्यात अकेन ठिकाणी सोयाबीनवर यलो मोझ्याक रोगाचा प्रादुर्भाव झाल्याने शेतकऱ्यांना मोठा आर्थिक फटका बसला आहे. यामुळे शेतकरी मोठ्या संकटात सापडला आहे. प्रशासनाने याचे तत्काळ पंचनामे करून आर्थिक मदत देण्याची मागणी शेतकऱ्यांनी केली.