संजय सूर्यवंशी

नांदेड : भाव वाढीच्या अपेक्षेने शेतकऱ्याने सोयाबीनची घरात साठवणूक करून ठेवली होती. परंतु आता सोयाबीनच्या (Soyabean) दरात मोठी घसरण झाल्याने सोयाबीन उत्पादक शेतकरी मोठ्या आर्थिक संकटात सापडला आहे. (Nanded) आता मिळेल त्या दरात सोयाबीन विक्री करावी लागणार आहे. 

सोयाबीनच्या दरात (Soyabean Price) वाढ होईल या आशेने नांदेड जिल्ह्यातील अनेक शेतकऱ्यांनी सोयाबीन घरात साठवून ठेवले आहे. मागच्या वर्षी सोयाबीनला १० हजार रुपय प्रति क्विंटलपर्येंत भाव मिळाला होता. यंदा देखील सोयाबीनला चांगला दर मिळेल अशी आशा शेतकऱ्यांना लागून होती. परंतु यंदा सोयाबीनच्या दरात सातत्याने घसरण होताना दिसत आहे. यामुळे शेतकऱ्यांना (Farmer) सोयाबीनच्या उत्पादनातून फारसा आर्थिक फायदा झालेला नाही. 

यंदा सोयाबीनला सुरवातीला ६ ते ७ हजार प्रतिक्विंटल इतका दर मिळाला होता. यामुळे आणखी भाव वाढतील अशी अपेक्षा शेतकऱ्याला होती. मात्र सध्या सोयाबीनला बाजारात ४ हजार ५०० रुपये इतका कमी भाव मिळत आहे. भाव वाढेल या आशेवर असलेले सोयाबीन उत्पादक शेतकरी मोठ्या आर्थिक संकटात सापडले आहेत.