अमळनेर (जळगाव) : ढेकूसिम (ता. अमळनेर) येथील एक शेतकऱ्याने (Farmer) गळफास घेत आत्महत्या केल्याचे समोर आले आहे. या घटनेमागचे कारण स्पष्ट झालेले नाही. यामुळे परिसरात (Amalner) हळहळ व्यक्त होत आहे. (Tajya Batmya)

अगोदरच बेमौसमी पावसामुळे शेतकरी हैराण झाला आहे. तर दुसरीकडे शेतकरी आत्महत्येने समाजमन हेलावत आहे. ढेकूसिम (ता. अमळनेर) येथील शेतकरी राजेंद्र नगराज पाटील (वय ५०) यांनी गुरुवारी पहाटेच्‍या सुमारास शेतातील खळ्यात बांधलेल्या राहत्या घरात दोरीने गळफास घेऊन आत्महत्या केली. ही बाब गुरुवारी पहाटे ४ वाजता उघडकीस आली.

या घटनेबाबत अमळनेर पोलीसात नोंद करण्यात आली आहे. शेतकरी राजेंद्र पाटील यांच्या पश्चात पत्नी, एक मुलगा, दोन मुली, नातवंडे असा परिवार आहे. मृत्यूचे नेमके कारण मात्र समजू शकले नाही.