Lumpy Skin Disease : लम्पी आजारामुळे गेले चार महिने झाले जनावरांचा बाजार बंद केला आहे. शासनाने महाराष्ट्रात (maharashtra) लम्पी आजाराच प्रादुर्भाव जास्त असलेल्या ठिकाणी जनावरांचे बाजार बंद ठेवले आहेत. पश्चिम महाराष्ट्रातील सर्वात मोठा जनावरांचा मोठा बाजार हा सांगलीतील मिरजेतील दुय्यम बाजार समितीत भरणारा बाजार समजला जातो. (Maharashtra News)

हा बाजार बंद असल्याने महाराष्ट्रसह कर्नाटक (karnataka) या राज्यांतील गाई, म्हैशी, बकरी पालन जोड धंदा करणाऱ्या शेतकऱ्यांच्या उदरनिर्वहाचा प्रश्न निर्माण झाला आहे. बाजार बंद असल्याने बाजारात होणारा कोट्यवधीची उलाढाल ठप्प झाली आहे.

या बाजारावर अवलंबून असलेल्या व्यापारी, चारा विक्रिते, टेंपो चालक यांचा उदरनिर्वाहाचा प्रश्न निर्माण झाला आहे. महाराष्ट्र सरकारने वडगाव बारामती या ठिकाणचे म्हशीचे बाजार सुरू केले आहेत. या धर्तीवर मिरजेचाही म्हैस बाजार सुरू करण्यात यावा अशी मागणी रघुनाथ दादा पाटील प्रणित शेतकरी संघटनेचे जिल्हा अध्यक्ष महादेव कोरे यांनी केली आहे. (Tajya Batmya)

शासनाने म्हैस बाजार जर सुरू केला नाही तर आंदोलन करण्याचा इशारा व्यापारी आणि शेतकरी संघटनेने दिला आहे. यावेळी महादेव कोरे (शेतकरी संघटना जिल्हााध्यक्ष) तसेच महंमद मनेर (व्यापारी) यांनी देखील बाजार लवकरात लवकर सुरु व्हावा अशी अपेक्षा व्यक्त केली आहे.

Edited By : Siddharth Latkar