- संजय सूर्यवंशी / अजय साेनवणे

Nanded News :

नांदेड जिल्ह्यातील अनेक तरुण आता पारंपरिक शेती न करता भाजी पाला, फळ बाग शेतीकडे वळले आहेत. नांदेडच्या बेटक बिलोली येथील आयटीआय झालेल्या सतीश पवार तरुणाने आपल्या शेतातील 15 गुंठ्यांत वांग्याची लागवड केली. वांग्याच्या उत्पादनातून त्याने लाखाचे उत्पन्न मिळविले आहे. (Maharashtra News)

त्याला या साठी 15 हजार रुपयाचा खर्च आला.15 हजाराचा खर्च वगळता दोन महिन्यात या तरुण शेतकऱ्याने एक लाखांचे मिळविले आहे. दरम्यान वांग्याची तोडणी सुरू असून अजून एक लाखाचे उत्पन्न होईल अशी आशा या शेतकऱ्याला आहे.

बांबूच्या शेतात पेरुचे आंतरपीक

सतत तोट्यात जाणा-या पारंपारिक शेतीला फाटा देत नव्या तंत्रज्ञानाची कास धरत नाशिकच्या येवला तालूक्यातील अंदरसुल येथिल शेतकरी हरिभाऊ सोनवणे यांनी चार एकरात बांबूची लागवड करत त्यात अंतरपीक म्हणून सदाबहार पेरुची लागवड केली असून संपुर्ण शेती सेंद्रीय पध्दतीने केली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यासाठी जीवांमृत तयार करणारा सहा हजार लिटर क्षमतेचा हायटेक एन एरेबेटिक फुगा बसविला आहे. याच बरोबर अन्य फळ झाडांची लागवड त्यांनी केली असून सध्या त्यांच्या सदाबहार पेरुचे उत्पादन निघण्यास सुरुवात झाली आहे. संपुर्ण सेंद्रीय पध्दतीने पिकवलेल्या या पेरुला १०० रुपयांचा दर मिळत आहे.

Edited By : Siddharth Latkar