धुळे : हवामान विभागातर्फे वर्तविण्यात आलेल्या अंदाजानुसार धुळे जिल्‍ह्यात पावसाचे वातावरण निर्माण झाले आहे. मध्‍यरात्रीनंतर (Dhule News) जिल्‍ह्यातील काही भागात रिमझिम पाऊस (Rain) झाला असून आज सकाळपासूनच जिल्ह्यात ढगाळ वातावरण आहे. (Live Marathi News)

हवामान विभागातर्फे वर्तविण्यात आलेल्या अंदाजानुसार संपूर्ण जिल्ह्याभरामध्ये सकाळपासूनच ढगाळ वातावरण असून पावसाची दाट शक्यता आहे. १४ मार्चपासून पुढील तीन ते चार दिवस उत्तर महाराष्ट्रातील बहुतांश ठिकाणी गारपिट होण्याची शक्यता हवामान विभागातर्फे वर्तवण्यात आली आहे, त्याचबरोबर धुळे जिल्ह्यासाठी यलो अलर्ट देखील हवामान विभागातर्फे वर्तविण्यात आला आहे, त्यानुसार सकाळपासून ढगाळ वातावरण बघावयास मिळत आहे.

गारपीटीची शक्‍यता

पाऊस येण्यापूर्वीच शेतकऱ्यांतर्फे आपली उर्वरित सर्व कामे ऊरकण्याची लगबग सुरू आहे. उत्तर महाराष्ट्रातील काही भागांमध्ये गारपीट होण्याची देखील शक्यता हवामान विभागातर्फे (Meteorological Department) वर्तविण्यात आल्यामुळे पावसाने कुठल्याही प्रकारचे नुकसान होऊ नये यासाठी शेतकऱ्यांतर्फे त्याचबरोबर नागरिकांतर्फे सर्वतोपरी काळजी घेतली जात आहे.