धुळे : धुळे तालुक्यातील कापडणे शिवारातील शेतकरी अशोक शंकर माळी यांच्या मालकीच्या शेतातील (Dhule News) एक एकर क्षेत्रातील मका जळून खाक झाला आहे. शॉर्ट सर्किटमुळे ही आग लागल्याची माहिती देण्यात आली आहे. (Maharashtra News)

कापडणे (धुळे) शिवारात वीज वितरण कंपनीला (Mahavitaran) वारंवार सांगून देखील शेतातील तार वरती केली नाही. यामुळे तारांचा एकमेकांना स्पर्श होऊन शॉर्टसर्किट झाली असून वीज वितरण विभागाच्या दुर्लक्षितपणामुळेच शेतात आग लागून मका पीक जळून खाक झाले असल्याचा आरोप शेतकऱ्यातर्फे (Farmer) लावण्यात आला. नुकसान भरपाई मिळावी अशी मागणी शेतकऱ्यातर्फे करण्यात आली आहे.

५० हजाराचे नुकसान

शेतात वीज वितरण कंपनीची तार खाली लोंबकळत असतांना शॉर्ट सर्किट झाल्यामुळे शेतात अचानक आग लागली. यात काढणीला आलेला एक एकर क्षेत्रावरील मका पूर्णपणे जळून खाक झाला आहे. यात शेतकऱ्याचे अंदाजे पन्नास हजारापेक्षा जास्त नुकसान झाले आहे.