Nanded News :

- संजय सूर्यवंशी

नांदेड जिल्ह्यातील शेतकऱ्याने एक एकरात मिर्चीची लागवड करून केवळ तीन महिन्यात साडेतीन लाखाचे उत्पन्न घेतले. नांदेड (nanded) जिल्ह्यातील बिलोली (biloli) तालुक्यातल्या कंगटी गावातील मनीष नरवाडे या शेतकऱ्याने हि किमया साधली आहे. (Maharashtra News)

मनीष नरवाडे यांनी शेतीत विविध प्रयाेग करण्याचा निर्धार केला. त्यांनी त्यांच्या शेतातील एक एकरात मिर्चीची लागवड केली. त्यासाठी मनीष नरवाडे यांना साधारण सव्वा लाख रुपये खर्च आला. त्यांच्याकडून 3 बाय 3 बेड पद्धतीने मिर्चीची लागवड करण्यात आली.

सध्या मिर्ची चांगला भर आला आहे. मिर्ची लागवड केल्यानंतर दोन महिन्यानंतर फळ धारण सुरू झाली आहे. आता पुढे पाच ते सहा महिने मिर्चीचे उत्पादन शेतकऱ्याला मिळणार आहे. नरवाडे यांनी पाच महिन्याआधी ही लागवड केली होती.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मागील तीन महिन्यात त्यांना साडेतीन लाखांचे मिर्चीचे उत्पादन मिळाले आहे. आगामी काळात त्यांना आणखी 3 ते 4 लाख रुपयांच्या उत्पन्नाची अपेक्षा असल्याचे नमूद केले.

Edited By : Siddharth Latkar