शुभम देशमुख 
भंडारा : भंडारा जिल्ह्यात दोन दिवस अवकाळी पावसाने झोडपून काढले आहे. या पावसाचा फटका भाजीपाला (Bhandara) पिकांसह मका पिकाला सुध्दा बसला आहे. जिल्ह्यांत ६८ हजार हेक्टरवर शेती लागवडीखाली (Rain) असुन सध्या २ हजार हेक्टरच्या वर पिकांचे नुकसान झालं आहे. (Maharashtra News)

हवामान विभागाने वर्तविलेल्या अंदाजानुसार भंडारा जिल्ह्यात दोन दिवस वादळी वाऱ्यासह गारांचा पाऊस बरसला. या पावसाचा फटका भाजीपाला पिकांना बसला आहे. दरम्यान भंडारा जिल्ह्यात ६८ हजार हेक्टर क्षेत्रावर मका, गहू, मिर्ची, वांगे, टोमॅटो, भेंडी व इतर पिकांची लागवड शेतकऱ्याने केली आहे. मात्र अचानक आलेल्या अवकाळी (Farmer) पावसामुळे शेतकऱ्यांचं होत्याचे नव्हतं केलं. उभे पीक खराब झाले असल्याने शेतकऱ्यांचे कंबरडे मोडले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कृषि विभागाकडून पाहणी 

दोन दिवसांत जवळपास २ हजार हेक्टरच्या वर पिकांचे नुकसान झाले असुन कृषी विभागाच्या वतीने शेतकऱ्यांच्या बांधावर जाऊन पाहणी केली जात आहे. लवकरात लवकर तसा अहवाल तयार करून सरकारला पाठवलं जाणार आहे. जेणे करुन शेतकऱ्यांना आर्थिक मदत मिळेल.