सांगली - महाराष्ट्रमध्ये Maharashtra बैलगाडा शर्यतीवर Bailgada Sharayat बंदी असल्याने शेतकऱ्यांचे सर्जा-राजा कुठेतरी कालवश होत चालले आहे. ही बैलगाडा शर्यत पुन्हा सुरू व्हावी यासाठी अनेक वर्षांपासून शेतकऱ्यांचा संघर्ष सुरू आहे. तर आता भाजप आमदार गोपीचंद पडळकर Gopichand Padalkar यांनी बैलगाडी शर्यतीसाठी कंबर कसली आहे. परवानगी नाही मिळाली तरी देखील बैलगाडा शर्यत होणारच असा निश्चय करून सांगलीच्या आटपाडी तालुक्यातील झरे मध्ये जोरदार तयारी सुरू करण्यात आली आहे.

हे देखील पहा -

तर बैलगाडा शर्यतीवरील बंदी उठवावी या मागणीसाठी महाराष्ट्रातले शेतकरी आता पुन्हा एकदा रस्त्यावर उतरले आहेत. बैलगाडा शर्यतीच्या मुद्द्यावरून पुन्हा एकदा राजकारण चांगलेच तापले आहे. नुकताच भाजपचे आमदार गोपीचंद पडळकर यांनी बैलगाडा शर्यत सुरू व्हावी यासाठी आंदोलन हाती घेतले आहे.

येत्या 20 ऑगस्टला सांगलीच्या आटपाडी तालुक्यातील झरे गावी बैलगाडा शर्यतीचे आयोजन करण्यात आले आहेत. त्याची जय्यत तयारी देखील सुरू करण्यात आली आहे. बैलांच्या पळण्यासाठी धावपट्टीचे बनवण्याचे काम सुरू करण्यात आले आहेत.

प्रशासनाने परवानगी दिली नाही तरी आम्ही शर्यत करणारच असा निर्धार करून ही तयारी सुरु करण्यात आली आहे. तर या बैलगाडा शर्यतीला पाठिंबा देण्यासाठी अनेक शेतकरी सामाजिक संघटना निवेदना द्वारे पाठिंबा देत आहेत.

Edited By - Shivani Tichkule