पंढरपूर : काढणीस आलेल्या भगवा जातीच्या ४ टन डाळिंबाची रातोरात अज्ञात चोरट्यांनी चोरी केली आहे. ही घटना पंढरपूर तालुक्यातील वाडीकुरोली येथील नितीन काळे यांच्या शेतात घडली आहे. श्री काळे यांची ३ एकर डाळिंब बाग आहे. सध्याची ती काढणीस आलेली आहे. डाळिंबाला बाजारात चांगला भाव मिळत असल्याने अज्ञात चोरट्याने काढणीस आलेले ४ ते ५ टन डाळिंब रातोरात चोरले आहे.

हे देखील पहा-

यामुळे नितीन काळे या शेतकऱ्याचे ५ लाख रुपयांचे नुकसान झाले आहे. याप्रकरणी पंढरपुर ग्रामीण पोलीस ठाण्यात शेतकरी नितीन काळे यांनी तक्रार दाखल करण्यात आली आहे. मागील काही दिवसांपासून डाळिंब चोरीच्या घटनांमध्ये वाढ झाली आहे. हातातोंडाशी आलेल्या पिकांची चोरी होत असल्याने, शेतकरी हवालदिल झाले आहेत.

याप्रकरणी स्वाभिमानी शेतकरी संघटनेचे तालुका अध्यक्ष सचिन पाटील यांनी या चोरी प्रकरणाची चौकशी करून संबंधित शेतकऱ्यांला नुकसान भरपाई द्यावी अशी मागणी यावेळी करण्यात आली आहे.

Edited By- Digambar Jadhav