Onion Price Drop : सोलापूर बाजार समितीत कांद्याची आवक वाढली, दरात दीड हजार रुपयांची घसरण

Solapur APMC Market : सोलापूर येथील मार्केट यार्डात कांद्याची आवक वाढला आहे. यामुळे एका दिवसात दीड हजार रुपयांची घसरण झाल्याचे पाहयला मिळत आहे. कांद्याचा दर साडेआठ हजार रुपयांवरून सात हजारांपर्यंत आला आहे. (Maharashtra News)

मागील दहा दिवसांपासून सोलापूर बाजार समितीत कांद्याचा दर वाढत गेला. पाच हजारांवरून शनिवारी दर ८५०० रुपयांवर पोहोचला हाेता. मात्र काल आवक वाढल्यामुळे कांद्याचा वाढत्या दराला ब्रेक लागला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कमाल दरामध्ये दीड हजार,तर सरासरी दरामध्ये सहाशे ते सातशे रुपयांची घसरण झाली आहे. काल ३७० ट्रक कांद्याची आवक होती. यंदा कांदा लागवडीनंतर महिनाभरात पाऊस न झाल्याने कांदा करपून गेला. त्याचा परिणाम दरावर आणि मागणीवर झाला आहे.

मागील दहा दिवसांपासून कांद्याच्या दरात सतत वाढ होत होती. त्यामुळे दिवाळीमध्ये कांद्याला दहा हजार रुपयांपेक्षा अधिक दर मिळण्याची आशा व्यापाऱ्यांमधून व्यक्त होत होती.

सोलापुरात कांद्याला दर चांगला मिळत असल्याने त्यात रविवारी सुटी असल्याने काल आवक वाढली. जवळपास ३७० ट्रक कांद्याची काल आवक होती. त्यामुळे साडेआठ हजारांवर पोचलेला दर सात हजारांपर्यंत खाली घसरला.

Edited By : Siddharth Latkar