Satara News : जिल्हा उपनिबंधक सहकारी संस्था कार्यालयामार्फत डॉ. पंजाबराव देशमुख व्याज सवलत योजना (dr panjabrao deshmukh interest subsidy scheme) राबविली जाते. या योजनेंतर्गत या आर्थिक वर्षात म्हणजे सन 2022-23 मध्ये जिल्ह्यातील एकूण 3 लाख 95 हजार 431शेतकऱ्यांना या योजनेंतर्गत 68 कोटी 9 लाख 99 हजार 985 रुपयांचा लाभ देण्यात आला आहे. ही योजना राबविण्यात सातारा (satara) जिल्हा महाराष्ट्रात अव्वल स्थानी राहिल्याची माहिती जिल्हा उपनिबंधक मनोहर माळी यांनी दिली. (Maharashtra News)
शेतकऱ्यांना सहकारी कृषी पतसंस्थांमार्फत दिलेल्या पीक कर्जावरील व्याज दरात वसुलीशी निगडीत प्रोत्साहनात्मक सूट देण्यासाठी शासनाने महत्वूपर्ण निर्णय घेण्यात आला होता. शेतकऱ्यांना कृषी निविष्ठा खरेदीसाठी अल्पदराने कर्ज मिळावे व या कर्जाची परतफेड मुदतीत व्हावी यासाठी कर्जाच्या दरात सवलत देण्यासाठी डॉ. पंजाबराव देशमुख व्याज सवलत योजना आहे.
पीक कर्जाची उचल 1 एप्रिल ते 31 मार्च या कालावधीतील हंगामामध्ये घेतलेले पिक कर्ज व ते विहित मुदीत फेडणारे शेतकरी सभासद व प्राथमिक कृषी पतपुरवठा संस्था (विविध कार्यकारी सहकारी सेवा सोसायटी) तसेच दि. 28 जून 2010 च्या शासन निर्णय प्रमाणे राष्ट्रीयकृत बँका, ग्रामीण व व खासगी बँका यांचे शेतकरी सभासद या योजनेचा लाभ घेऊ शकतात.
शासन निर्णयाप्रमाणे सन 2021-2022 वर्षापासून पीक कर्ज घेतलेल्या व विहित मुदतीत परतफेड केलेल्या शेतकऱ्यांना डॉ. पंजाबराव देशमुख व्याज सवलत योजनेंतर्गत 3 लाखापर्यंत पीक कर्ज घेणाऱ्या शेतकऱ्यांना 3 टक्के व्याज सवलत दिली जात असल्याने शेतकऱ्यांना 0 टक्के व्याज दराने पीक कर्ज मिळत आहे. हे या योजनेचे खास वैशिष्ठ्य आहे.
याेजनेंतर्गत 68 कोटी 9 लाख 99 हजार 985 रुपयांचा लाभ
डॉ. पंजाबराव देशमुख व्याज सवलत योजनेंतर्गत या आर्थिक वर्षात स्टेट पुल (सर्वसाधारण) मधून 3 लाख 13 हजार 188 शेतकऱ्यांना 55 कोटी रुपयांचा लाभ, जिल्हा नियोजन समिती (सर्व साधारण) योजनेमधून 81 हजार 310 शेतकऱ्यांना 12 कोटी 99 लाख 99 हजार 985 , समाज कल्याण विभाग (विशेष घटक योजन) मधून 933 शेतकऱ्यांना 10 लाख रुपयांचा असे एकूण 3 लाख 95 हजार 431शेतकऱ्यांना 68 कोटी 9 लाख 99 हजार 985 रुपयांचा या योजनेंतर्गत लाभ देवून ही योजना राबविण्यात राज्यात सातारा जिल्हा अव्वल ठरला आहे.
Edited By : Siddharth Lakar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.