Water Bicycle Video: अरेच्चा! पाण्यावर चालणारी सायकल; पठ्ठ्याचा देसी जुगाड सोशल मीडियावर VIRAL

Viral Video:

नदी, समुद्र किंवा एखाद्या तलावात एका काठावरून दुसरीकडे जाण्यासाठी बोट, जहाज, होडी यांचा उपयोग केला जातो. आजवर तुम्ही देखील यांमधून प्रवास केला असेल. मात्र तुम्ही सायकलवरून कधी नदीत किंवा तलावात प्रवास केला आहे का? एका तरुणाने अशक्य वाटणारी ही गोष्ट शक्य केलीये. (Latest Marathi News)

तरुणाने चक्क सायकलवरून पाण्यात प्रवास केलाय. त्याने स्वत: पाण्यात चालणारी सायकल बनवली आहे. सायकलीचा तरुणाने व्हिडीओ देखील रेकॉर्ड केलाय. हा व्हिडीओ आता सोशल मीडियावर जोरदार व्हायरल होत आहे. व्हिडीओमध्ये तुम्ही पाहू शकता की, तरुण अगदी सहज पाण्यात मधोमध सायकल चालवतोय.

सायकल पाण्यात नेल्यानंतर आतमध्ये बुडून जाते. सायकल कधीही पाण्यावर तरंगत नाही. मात्र ही सायकल पाण्यावर तरंगावी आणि तिने प्रवास करता यावा यासाठी तरुणाने सायकलचे टायर बदलले आहेत. सायकलचे टायर बदलून त्याने येथे एअर ट्यूब टायर बसवलेत. या टायरच्या सहाय्याने तरुणाची सायकल पाण्यात खाली पडत नाही.

टायरच्या मदतीने सायकल पाण्यावर चालते. विरेंद्र सिंह असं या तरुणाचं नाव आहे. तो नेहमीच काहीतरी अतरंगी गोष्टींचा शोध घेत असतो. याआधी त्याने ८ चाकांची चारचाकी बनवली होती. विरेंद्रचा हा जुगाडही नेटकऱ्यांना फार आवडला होता. आता देखील त्याने सायकल खरेदी केलीये. पाण्यात प्रवास करण्यासाठी तरुणाचा हा जुगाड देखील नेटकऱ्यांना आवडलाय.

आतापर्यंत या व्हिडीओला ३ लाखांहून अधिक व्ह्यूव्ह्ज मिळालेत. नेटकऱ्यांनी यावर विविध कमेंटही केल्यात. एकाने कमेंटमध्ये तरुणाचं कौतुक केलंय. तर आणखी एका तरुणाने त्याला लहान प्लॅस्टीकचे टायर वापरण्याचा सल्ला दिला आहे.