![Viral Video](http://media.assettype.com/saamtv%2F2023-05%2F482bd5b8-c983-46ae-bb5f-2857af167c9a%2FViral_VIdeo.jpg?rect=0%2C0%2C1200%2C675&w=480&auto=format%2Ccompress&fit=max)
Viral Video: मध्य प्रदेशमधील झिरण्या भागातील एका गावात लग्न समारंभादरम्यान वादळी वाऱ्यामुळे मंडपच उडून गेल्याची घटना घडली आहे. एखाद्या कागदी पतंगासारखा हा तंबू हवेत उडताना दिसत आहे. या घटनेचा व्हिडीओ सध्या सोशल मीडियावर प्रचंड व्हायरल होत आहे.
वादळी वाऱ्यामुळे सिलिंग पाईप असलेला 45 बाय 45 आकाराचा मंडप कागदासारखा उडून गेला. मंडप सुमारे 200 फूट उंचीवर पोहोचला होता. अचानक घडलेल्या घटनेमुळे वऱ्हाडी मंडळींचा एकच गोंधळ उडाला. जीव वाचवण्यासाठी धावपळ करताना दिसले. काही वेळाने हा मंडप विजेच्या तारांमध्ये जाऊन अडकला. त्यानंतर मोठा आवाज झाल्याने संपूर्ण परिसराचा वीजपुरवठा देखील खंडित झाला होता. (Latest News)
मध्य प्रदेशमधील झिरण्या भागातील कुसुंबिया गावात शुक्रवारी ही घटना घडली. लग्न समारंभासाठी शेतात मंडप लावण्यात आला होता. जवळच असलेल्या दुसऱ्या मंडपात लग्नाचे विधी पार पाडले जात होते. पाहुणे दुसऱ्या तंबूत जेवत होते. दरम्यान अचानक एक वावटळ उठली आणि मंडप पाईपसह उडून गेला. (Viral Video News)
वादळादरम्यान लोक मंडप उडू नये म्हणून पाईप धरुन उभे होते. मात्र वाऱ्याचा वेग एवढा होता की मंडळ पाईप धरुन उभे असले फार वेळ तिथे थांबू शकले नाही आणि काही क्षणात मंडळ हवेत उडाला. सध्या हा व्हिडीओ सोशल मीडियावर व्हायरल होत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.